کراچی کے نجی ادارے دی ہیپی پیلس اسکول نے اسکول کی عمارت کے اندر ایک چھوٹی سی مارکیٹ کھول رکھی ہے جس میں اسکول کے بچے اپنی تجارت کرتے دکھائی دیتے ہیں۔ اس مارکیٹ میں ہر قسم کی اشیا دستیاب ہیں۔ صرف یہ ہی نہیں بلکہ بچوں نے اپنے کاروبار کو جدید دور سے جوڑنے کے لیے اسے آن لائن بھی کیا ہوا ہے اور سوشل میڈیا کی مدد سے بھی اپنے کاروبار کو فروغ دے رہے ہیں۔
اس اسکول کے ننھے تاجروں کا کہنا ہے کہ وہ یہ کام شوق سے کررہے ہیں اور کاروبار کے بنیادی اصول یہیں سے سیکھ رہے ہیں۔ اس مارکیٹ میں ہر تاجر کا وزیٹنگ کارڈ ہے۔ یہ وزیٹنگ کارڈ بھی اسی مارکیٹ کی ایک طالبہ بنا کر دیتی ہے۔ یہ چھوٹی سی مارکیٹ نہ صرف اسکول کے تمام طلبہ کی ضرورت پوری کر رہی ہے بلکہ اسکول میں آئے مہمان بھی یہیں سے اشیا خریدتے ہیں۔
یہ بھی پڑھیں: رئیلٹی شو ’شارک ٹینک پاکستان‘ میں سرمایہ کاری کی بڑی ڈیل، ریکارڈ قائم
اسکول انتظامیہ کے مطابق اسکول میں جو کچھ پڑھایا جا رہا ہے۔ ہماری کوشش ہے کہ اس کا عملی طور پر مظاہرہ بھی ہو۔ یہ مارکیٹ بچوں کو ریاضی فزکس سمیت دیگر علوم کو سمجھنے کا موقع فراہم کرتی ہے۔
اس منفرد مارکیٹ کے بارے میں مزید جانیے اس ویڈیو رپورٹ میں
