نو منتخب امریکی صدر ڈونلڈ ٹرمپ کے نامزد کردہ ’ایلچی برائے خصوصی مشنز‘ رچرڈ گرینل نے حال ہی میں سماجی رابطوں کی سائیٹ ایکس پر ایک پوسٹ میں سابق وزیراعظم اور بانی پی ٹی آئی عمران خان کی رہائی کا مطالبہ کیاہے۔
رچرڈ گرینل کے مطالبے کے بعد سوشل میڈیا پر پی ٹی آئی کے حامی صارفین نے اس پر مختلف تبصرے کیے، سابق صدر عارف علوی نے کہا کہ رچرڈ گرینل کی جانب سے بہت ہی مثبت پیغام دیا گیا ہے پوری دنیا میں یہی جذبات گونج رہے ہیں کہ عمران خان کو رہا کیا جائے۔ ان کا کہنا تھا کہ جھوٹے، من گھڑت اور فرضی الزامات میں عمران خان 500 سے زائد دن جیل میں گزار چکےہیں۔
A very positive statement. The same feelings are resonating throughout the world. #Free_Imran_Khan@ImranKhanPTI has spent more than 500 days in jail on false, fabricated & fictitious charges starting with the ignominious regime change, destruction of civil liberties, mandate… https://t.co/v1Qsf78KsE
— Dr. Arif Alvi (@ArifAlvi) December 16, 2024
صحافی اجمل جامی نے امریکی صدر ڈونلڈ ٹرمپ کے نامزد کردہ ایلچی برائے خصوصی مشنز کی پوسٹ پر لکھا کہ متعلقہ حلقے ان کے مطالبے کو نوٹ کرلیں۔
متعلقہ حلقے نوٹ فرماویں https://t.co/DVbxqAW06F
— Ajmal Jami (@ajmaljami) December 16, 2024
ایک ایکس صارف نے رچرڈ گرینل کا شکریہ ادا کرتے ہوئے لکھا کہ یہ بالکل عمران خان کو جیل سے رہا کرنے کا وقت ہے۔
Thanks Ric, it is absolutely time to free @ImranKhanPTI. https://t.co/JRId7W27UO
— Abed A. Ayoub (@aayoub) December 16, 2024
سینئر سیاستدان فواد چوہدری نے کہا کہ غیرذمہ دارانہ صحافت انتہا پر پہنچ گئی۔
Irresponsible Journalism meets it’s Shiva:) https://t.co/aFYDDYfGHZ
— Ch Fawad Hussain (@fawadchaudhry) December 16, 2024
ایک صارف نے کہا کہ جیو کی جانب سے رچرڈ گرینل کے لیے ایسے الفاظ کا استعمال نامناسب ہے۔ اس قسم کے الفاظ کا کھلے عام استعمال غیر قانونی اور غیر اخلافی ہے، انہوں نے رچرڈ گرینل سے کہا کہ آپ کو جیو نیوز کے خلاف قانونی کارروائی کرنی چاہیے۔
واضح رہے کہ پاکستان تحریک انصاف کے بانی چئیرمین اور سابق وزیر اعظم عمران خان ایک سال سے زائد عرصے سے جیل کی سلاخوں کے پیچھے ہیں۔ سابق وزیراعظم عمران خان کو پہلے 9مئی کو گرفتار کیا گیا لیکن 11 مئی کو سپریم کورٹ کی مداخلت پر انھیں رہا کر دیا گیا، تاہم اگست 2023 میں اسلام آباد کی مقامی عدالت نے انھیں 3 سال کی سزا سنا دی اور انھیں زمان پارک لاہور سے گرفتار کر لیاگیا۔
رچرڈ گرینل کی جانب سے عمران خان کی رہائی کے پے در پے مطالبات کی وجہ سے تحریک انصاف کے حلقوں میں ان کی نامزدگی کے بعد امید پیدا ہو چلی ہے کہ وہ عمران خان کی رہائی کے لیے حکومت پاکستان پر اپنا اثر و رسوخ استعمال کریں گے۔
