کپتان برانڈ کا افتتاح، ’یہ عمران خان کےنام پر اپنا کاروبار کررہے ہیں‘

سابق وزیر اعظم اور بانی پاکستان تحریک انصاف (پی ٹی آئی) عمران خان صرف پاکستان میں ہی نہیں بلکہ دنیا بھر میں کپتان کے نام سے بھی جانے جاتے ہیں۔ پی ٹی آئی کے کارکنان اور حامیوں کی ان سے محبت عام ہے اور ان کے جیل جانے کے بعد اس میں خاطرخواہ اضافہ ہوا ہے۔ عمران خان کے جیل جانے کے بعد ’قیدی نمبر 804‘ کی اصطلاح بھی تحریک انصاف کے کارکنان میں عام ہوئی تھی۔ مارکیٹ میں اس نمبر کی شرٹس، ٹوپیاں، اور دیگر سامان بھی موجود ہے۔

حال ہی میں عمران خان سے محبت کا اظہار کرتے ہوئے ڈار گروپ آف انٹر پرائزز نے سیالکوٹ میں ’کپتان‘ برانڈ کے نام سے اپنی آؤٹ لیٹ کا افتتاح کر دیا ہے جہاں کپتان برانڈ کی مختلف چیزیں جیسے جیکٹس، کپڑے، جوتے، پرفیوم، شالیں اور پرس دستیاب ہیں۔ دکان میں جگہ جگہ عمران خان کی تصاویر اور لوگو موجود ہیں۔

ڈار گروپ آف انٹر پرائزز نے سیالکوٹ میں کپتان برانڈ کے نام سے اپنی آؤٹ لیٹ کا افتتاح کر دیا ہے جہاں کپتان برانڈ کی مختلف چیزیں دستیاب ہیں۔ pic.twitter.com/TGfWNK0Fwd

— Wahab Khan (@Itx_Wahab123) December 17, 2024

سوشل میڈیا پر یہ ’کپتان‘ برانڈ کی ویڈیو وائرل ہوئی تو صارفین کی جانب سے اس پر مختلف تبصرے کیے گئے۔ صبیح کاظمی لکھتے ہیں کہ لگتا ہے اب کپڑے یہاں سے ہی لینے پڑیں گے۔

لگتا ہے اب کپڑے یہاں سے لینا پڑیں گیں https://t.co/IT5NIdkkqi

— Sabee Kazmi (@SabeeKazmi786) December 17, 2024

ثمینہ نامی صارف لکھتی ہیں کہ ان کے بزنس کو پروموٹ کرنے کی بجائے یہ پوچھیں کہ یہ فائنل کال کے دن اسلام آباد کیوں نہیں پہنچے تھے، ان کا مزید کہنا تھا کہ سیالکوٹ کا ووٹر ان سے بیزار ہوا بیٹھا ہے۔

ان کے بزنس کو پروموٹ کرنے کی بجائے یہ پوچھیں کہ فائنل کال کے دن اسلام آباد کیوں نہیں۔ پہنچے۔سیالکوٹ کا ووٹر ان سے بیزار ہوا بیٹھا ہے۔

— Samina (@SaminaZaman14) December 17, 2024

ایک ایکس صارف نے کہا کہ عمران خان جیل میں رہیں اسی میں سب کا فائدہ ہے، ہر کوئی کپتان کو بیچنے پر لگا ہوا ہے۔