بانی پاکستان تحریک انصاف (پی ٹی آئی) عمران خان اور ان کی اہلیہ بشریٰ بی بی کے خلاف 190 ملین پاؤنڈ ریفرنس کا فیصلہ مؤخر کردیا گیا ہے، اور کل نہیں سنایا جائےگا۔
یہ بھی پڑھیں 190 ملین پاؤنڈز سپریم کورٹ کے اکاؤنٹ میں جمع نہیں ہوئے، یہ سراسر جھوٹ ہے، خواجہ آصف
میڈیا رپورٹس کے مطابق احتساب عدالت کی جانب سے محفوظ کیا جانے والا فیصلہ کل نہ سنانے کا فیصلہ کیا گیا ہے۔
میڈیا رپورٹس کے مطابق کل 190 ملین پاؤنڈ ریفرنس کی سماعت اڈیالہ جیل کے بجائے اسلام آباد کی احتساب عدالت میں کرنے کا فیصلہ کیا گیا ہے۔
عدالتی عملے نے پی ٹی آئی کے وکلا کو فیصلے سے آگاہ کردیا ہے، اسلام آباد کی احتساب عدالت 190 ملین پاؤنڈ ریفرنس کا فیصلہ سنانے کے لیے کل نئی تاریخ دے گی۔
یاد رہے کہ کچھ روز قبل احتساب عدالت نے اڈیالہ جیل میں سماعت مکمل ہونے پر کیس کا فیصلہ محفوظ کرتے ہوئے کہا تھا کہ فیصلہ 23 دسمبر کو سنایا جائےگا۔
یہ بھی پڑھیں خدشہ ہے 190 ملین پاؤنڈ کیس میں عمران خان کو 14 سال قید کی سزا سنا دی جائےگی، شیر افضل مروت
190 ملین پاؤنڈ ریفرنس میں گزشتہ سال 27 فروری کو عمران خان اور بشریٰ بی بی پر فرد جرم عائد کی گئی تھی، 190 ملین پاؤنڈ ریفرنس میں اہم گواہان سابق پرنسپل سیکریٹری اعظم خان، سابق وزیراعلیٰ پرویزخٹک، سابق وفاقی وزیر زبیدہ جلال نے بیان ریکارڈ کروائے۔
