چیئرمین پاکستان کرکٹ بورڈ محسن نقوی نے جنوبی افریقہ کو ون ڈے سیریز میں ہوم گراؤنڈ پر وائٹ واش پر پاکستانی ٹیم کو شاباش دیتے ہوئے کہا کہ صائم ایوب نے ایک بار پھر اپنی کلاس ثابت کی۔
چیئرمین پاکستان کرکٹ بورڈمحسن نقوی نے اپنے بیان میں کہا قومی ٹیم کو تیسرا ون ڈے میچ جیتنے اور جنوبی افریقہ کو وائٹ واش پر دل کی اتھاہ گہرائیوں سے مبارکباد دیتا ہوں۔ صائم ایوب نے ایک بار پھر اپنی کلاس ثابت کی اور سینچری اسکور کرکے فتح میں اہم کردار ادا کیا۔
مزید پڑھیں: بابر اعظم نے صائم ایوب کو ’چیتا‘ کیوں قرار دیا؟
ان کا کہنا تھا کہ محمد رضوان اور بابر اعظم نے اچھی بیٹنگ کی جبکہ سفیان مقیم نے عمدہ باؤلنگ کرکے قوم کے دل جیت لیے۔ ٹیم ورک کا نتیجہ شاندار کامیابی کی صورت میں سامنے آیا۔
محسن نقوی نے کہا کہ پاکستان ٹیم کے کھلاڑی پراعتماد نظر آئے، جذبے اور محنت سے کھیلے۔ اس جیت سے کھلاڑیوں کا مورال بڑھے گا اور چیمپیئنز ٹرافی ٹورنامنٹ میں بھی پاکستانی ٹیم ایسی ہی کارکردگی دکھائے گی۔
