انسدادد ہشتگردی عدالت نے سی ٹی ڈی اہلکاروں کی عبوری ضمانت منسوخ کردی ہے۔
انسداد دہشتگردی عدالت (اے ٹی سی) کراچی میں کاؤنٹرٹیررازم ڈیپارٹمنٹ (سی ٹی ڈی) اہلکاروں کے خلاف اغوا برائے تاوان کے کیس کی سماعت ہوئی۔
یہ بھی پڑھیں: کراچی: چھالیہ اسمگلرز کی مبینہ مدد پر 2 سی ٹی ڈی اہلکاروں کے خلاف مقدمہ درج
کیس کے سماعت کے دوران عدالت نے 9 سی ٹی ڈی اہلکاروں کی عبوری ضمانت منسوخ کرتے ہوئے 8 سی ٹی ڈی اہلکاروں کو گرفتار کرنے کا حکم دے دیا، جس پر پولیس نے 7 سی ٹی ڈی اہلکاروں کو احاطہ عدالت سے گرفتار کرلیا۔
عدالت نے جن اہلکاروں کو گرفتار کرنے کا حکم دیا ہے، اُن میں یونس بلوچ، رضوان، سردار رؤف اور شکیل لودھی شامل ہیں، سی ٹی ڈی اہلکاروں پر شہری سے 15 لاکھ روپے تاوان لینے کا الزام ہے، جنہوں نے 21 جولائی 2022 میں شہری فیضان کو اغوا کیا تھا۔
یہ بھی پڑھیں: شہریوں کے اغوا میں ملوث سی ٹی ڈی اہلکار ضمانت خارج ہونے پر گرفتار
پولیس حکام کے مطابق ملزمان کے خلاف کراچی کی بلال کالونی کے تھانے میں اغوا برائے تاوان کا مقدمہ درج ہے۔
