صدر مملکت آصف زرداری اور وزیراعظم پاکستان شہباز شریف نے ملکی ترقی کے لیے مل کر آگے بڑھنے کے عزم کا اعادہ کیا ہے۔
وزیراعظم پاکستان شہباز شریف نے ایوان صدر اسلام آباد میں صدر مملکت آصف زرداری سے ملاقات کی اور ان کے لیے نیک خواہشات کا اظہار کیا۔
یہ بھی پڑھیں وزیراعظم شہباز شریف سے آصف زرداری اور بلاول بھٹو کی اہم ملاقات
ملاقات میں ملک کی مجموعی سیاسی، معاشی اور سیکیورٹی صورت حال پر تبادلہ خیال کیا گیا، جبکہ پارلیمنٹ میں قانون سازی کے امور پر بھی گفت و شنید کی گئی۔
دونوں رہنماؤں نے اس بات پر اتفاق کیا کہ قانونی امور میں تمام سیاسی اسٹیک ہولڈرز کی مشاورت سے آگے بڑھیں گے۔
اس موقع پر صدر مملکت آصف زرداری نے ملکی ترقی اور استحکام کے لیے وزیراعظم کو ہر طرح کے تعاون کی یقین دہانی کرائی۔
یہ بھی پڑھیں شہباز شریف، آصف زرداری ملاقات : اندرونی کہانی
ملاقات میں نائب وزیراعظم اسحاق ڈار، وفاقی وزیر داخلہ محسن نقوی، گورنر خیبرپختونخوا فیصل کریم کنڈی، پرویز اشرف اور نوید قمر بھی موجود تھے۔
