ضلع نیلم ویلی آزاد کشمیر میں نگدر کناری کے مقام پر گاڑی دریائے نیلم میں گرنے سے 4 افراد جاں بحق ہو گئے ہیں۔
مزید پڑھیں: آزاد کشمیر: وادی نیلم میں سیاحوں کی گاڑی حادثہ کا شکار ہوگئی
نگدر کناری کے قریب کار حادثے میں جان کی بازی ہارنے والے 4 افراد کی لاشیں دریائے نیلم سے ریکور کرلی گئی ہیں۔ جن کا تعلق مانسہرہ سے بتایا جارہا ہے، گاڑی نکالنے کے لیے ریسکیو سرگرمیاں جاری ہیں۔
نگدر کناری کے مقام پر حادثے کا شکار ہونے والی گاڑی کرولا زیر نمبریLE 2253 ہے۔ جبکہ جاں بحق ہونے والے افراد کے نام درج ذیل ہیں:
1۔ صابر ولد محمد یوسف ڈرائیور بعمر 35 سال
2۔ افضال ولد نثار بعمر 22 سال
3۔ شیراز ولد حیدر زمان بعمر 30 سال
4۔ محمد اجمل ولد سلیمان بعمر 30 اقوام تنولی ساکنان مانسہرہ
حادثے میں نقاش ولد اورنگزیب ساکنہ مانسہرہ زخمی ہوا جس کی حالت خطرے سے خالی ہے۔ بتایا گیا ہے کہ حادثے میں زخمی ہوانے والا نقاش دولہا ہے، اور گاڑی بارات کا حصہ تھی۔
لاشیں اٹھمقام اسپتال پہنچادی گئی ہیں۔ بارات مانسہرہ سے چانگن جا رہی تھی۔
