پاکستان کے وکٹ کیپر بیٹمسین اور وائٹ بال ٹیم کے کپتان محمد رضوان نے ملک کی جانب سے آئی سی سی چیمپیئنز ٹرافی 2025 کی میزبانی کے حوالے سے اپنے عزم کا اظہار کرتے ہوئے کہا ہے کہ ہم دفاعی چیمپئن ہیں اور شائقین کی توقعات پر پورا اترنے کی کوشش کریں گے۔
ہم سب چیمپئنز ٹرافی کی میزبانی کیلئے بہت پُرجوش ہیں، محمد رضوان
یہ بھی پڑھیں: انتظار کی گھڑیاں ختم، چیمپیئنز ٹرافی 2025 کے شیڈول کا بالآخر اعلان ہوگیا
اپنے بیان میں محمد رضوان نے کہا کہ کرکٹ سے محبت کرنے والے ملک کے طور پر ہم سب آئی سی سی چیمپیئنز ٹرافی 2025 کی میزبانی کے لیے بہت پرجوش ہیں۔
محمد رضوان نے کہا کہ حال ہی میں ون ڈے میں اللّٰہ کی مدد سے اچھی کارکردگی کا مظاہرہ کرنے سے میگا ایونٹ کے لیے جوش و خروش اور اعتماد میں اضافہ ہوا ہے۔
ان کا کہنا تھا کہ پاکستان چیمپیئنز ٹرافی کی میزبانی کا خیرمقدم کرتا ہے۔ ان کا مزید کہنا تھا کہ ہم بیتابی سے اپنے ہوم کراؤڈ کے سامنے کھیلنے کےلیے منتظر ہیں۔
مزید پڑھیے: جنوبی افریقہ کے خلاف کامیابی نے پاکستانی ٹیم اور محمد رضوان کو اہم اعزاز دلوا دیے
محمد رضوان نے کہا کہ ہمارا ملک اپنی شاندار مہمان نوازی کےلیے پہچانا جاتا ہے اور مجھے یقین ہے کہ شائقین نہ صرف ہماری ٹیم کو سپورٹ کریں گے بلکہ دیگر ٹیموں کی کارکردگی کو بھی سراہیں گے۔
