پاکستان نیو کلیئر ریگو لیٹری اتھارٹی نے چشمہ نیو کلیئر پاور پلانٹ 5 میانوالی کے لیے تعمیراتی لائسنس جاری کردیا ہے۔ یہ پلانٹ نیوکلیئر ذرائع سے 1200 میگاواٹ بجلی پیدا کرنے والا سب سے پاور پلانٹ ہوگا۔
پاکستان نیوکلیئر ریگو لیٹری اتھارٹی اعلامیے کے مطابق پاکستان اٹامک انرجی کمیشن نے چشمہ نیو کلیئر پاور پلانٹ 5 کے تعمیراتی لائسنس کے لیے اپریل 2024 میں درخواست دی تھی جس کے ساتھ ابتدائی حفاظتی جائزہ رپورٹ اور دیگر متعلقہ ضروری دستاویزات بھی جمع کروائی گئیں۔
مزید پڑھیں: وزیر اعظم نے 3 ارب 48 کروڑ ڈالر مالیت کے 1200 میگاواٹ کے چشمہ۔5 منصوبے کا سنگ بنیاد رکھ دیا
دستاویزات میں ری ایکٹر کے ڈیزائن، جوہری مواد کے محفوظ استعمال، تابکاری سے تحفظ، ہنگامی صورتحال سے نمٹنے، تابکار فضلے کو ٹھکانے لگانےاور نیوکلیئر سیکیورٹی جیسے تمام پہلو شامل تھے۔
اتھارٹی نے تمام دستاویزات کے مفصل جائزے اور متعلقہ قومی وبین الاقوامی معیارات اور ریگولیٹری تقاضوں کی تکمیل کے بعد لائسنس جاری کیا ہے۔
