وزیراعلیٰ پنجاب مریم نواز نے صوبے کی دیہی خواتین کو خودکفالت کی جانب گامزن کرنے کے لیے مفت بھینسیں اور گائے دینے کا اعلان کردیا۔
وزیراعلیٰ نے کہاکہ حکومت نے پنجاب کی دھی رانیوں کے لیے باعزت روزگار کمانے کے دروازے کھول دیے ہیں۔ اور 12 اضلاع کی 11 ہزار دیہی خواتین کے لیے 2 ارب روپے کا پیکج دیا ہے۔
یہ بھی پڑھیں ہونہار اسکالرشپ کے دوسرے مرحلے کا آغاز، مریم نواز کا طلبا کو لیپ ٹاپ اور ای بائیک دینے کا اعلان
مریم نواز نے کہاکہ پنجاب کی دیہی خواتین کو گائے اور بھینسیں مفت دی جائیں گی تاکہ وہ روزگار کما سکیں، حکومت صوبے کے لائیو اسٹاک فارمرز کا بھی بھرپور ساتھ دےگی۔
انہوں نے کہاکہ ملتان، خانیوال، لودھراں، وہاڑی، بہاولپور، بہاولنگر، رحیم یارخان، ڈیرہ غازی خان، لیہ، مظفر گڑھ میں دیہاتی خواتین کو مفت گائے اور بھینسیں دی جائیں گی، جبکہ راجن پور اور کوٹ ادو کی خواتین بھی اس اسکیم سے استفادہ کرسکیں گی۔
وزیراعلیٰ پنجاب نے کہاکہ سی ایم لائیو اسٹاک کارڈ سے 80 ہزار مویشی پال فارمرز 27 ہزار روپے فی جانور کے حساب سے بلاسود قرض لے سکیں گے۔ صوبے بھر میں مویشی پال فارمرز رجسٹرڈ ڈیلر سے 2 لاکھ 70 ہزار تک ونڈا، منرل مکسچر اور سائلج خرید سکیں گے۔
انہوں نے کہاکہ لائیواسٹاک فارمر 4 ماہ تک مساوی اقساط میں بلاسود قرض سے ونڈا وغیرہ خرید سکیں گے، لائیواسٹاک کارڈ کے ذریعے 4 لاکھ جانورمیٹ ایکسپورٹ کے لیے تیار ہوں گے۔
مریم نواز نے کہاکہ مویشیوں کی دیکھ بھال میں آسانی کے لیے اینیمل آئیڈنٹٹی ٹریس ایبلٹی سسٹم نافذ کردیا گیا ہے، فارمر کے لیے ہیلپ لائن بھی فنکشنل جبکہ آن لائن رجسٹریشن کی سہولت بھی دستیاب ہوگی۔
یہ بھی پڑھیں ہونہار اسکالرشپ کے دوسرے مرحلے کا آغاز، مریم نواز کا طلبا کو لیپ ٹاپ اور ای بائیک دینے کا اعلان
انہوں نے مزید کہاکہ حکومت دیہات میں رہنے والی خواتین کو نظرانداز نہیں کرسکتی، ہر خاتون کا حق ہے کہ وہ خوشحال ہو، دودھ اور گوشت کی پیداوار بڑھانے سے برآمدات میں اضافہ ہوگا۔
