وفاقی تحقیقاتی ایجنسی (ایف آئی اے) نے کراچی سے گداگری کے لیے سعودی عرب جانے کی کوشش کرنے والی 2 خواتین کو آف لوڈ کر کے گرفتار کرلیا ہے۔
یہ بھی پڑھیں: کراچی: عمرے کی آڑ میں گداگری کے لیے سعودی عرب جانیوالے 4 مسافر گرفتار
ترجمان ایف آئی اے کے مطابق پیر کے روز کراچی ایئر پورٹ سے سعودی عرب جانے کی کوشش کرنے والے 2 گداگر خواتین کو گرفتار کیا، جن کی شناخت ایشا دیوی اور نشو کماری کے نام سے ہوئی ہے۔
گرفتار ملزمان وزٹ ویزے پر سعودی عرب جا رہی تھیں، ایشا دیوی کا نام اسٹاپ لسٹ میں شامل تھا جو اس سے قبل بھی سعودی عرب میں بھیک مانگنے میں ملوث رہی ہے، ملزمہ کو بھیک مانگنے پر سعودی عرب میں گرفتار کرکے پاکستان ڈی پورٹ کیا گیا تھا۔
دوسری جانب ملزمہ نشو کماری سعودی عرب جانے کے حوالے سے امیگریشن حکام کو مطمئن نہ کرسکی، نشو کماری کے پاس سعودی عرب کے سفری اخراجات کے لیے بھی رقم موجود نہ تھی۔
یہ بھی پڑھیں: میرے علاقے میں صرف میں بھیک مانگوں گی، گداگر عدالت پہنچ گئی
دونوں گرفتار ملزمان کا تعلق کراچی سے ہے، جنہیں گرفتار کرکے اینٹی ہیومن ٹریفکنگ سرکل کراچی منتقل کردیا گیا ہے۔
