نوشہرہ کے علاقے مصری بانڈہ میں واقع فیکٹری کی مشین میں پھنس کر شدید زخمی ہونیوالے چینی انجینیئر زخموں کی تاب نہ لاتے ہوئے چل بسے ہیں۔
یہ بھی پڑھیں: شمالی وزیرستان ہیلی کاپٹر حادثہ: روس نے اپنے شہریوں کی ہلاکت کی تصدیق کردی
جنرل مینجر زیڈ آر کے گروپ عارف عالم کے مطابق چینی انجینیئر کام کے دوران حادثے کا شکار ہو کر ہلاک ہوگئے تھے، ان کی نعش پوسٹ مارٹم کے لیے قاضی حسین احمد میڈیکل کمپلیکس نوشہرہ منتقل کردی گئی تھی۔
نوشہرہ پولیس کے مطابق پوسٹ مارٹم کے بعد ضروری کارروائی مکمل کرتے ہوئے ہلاک ہونیوالے چینی انجینیئر کے تابوت کو اسپتال سے اسلام آباد میں واقع چینی سفارت خانے روانہ کردیا گیا ہے۔
مزید پڑھیں: راولپنڈی سے گلگت جانے والی بس کو حادثہ، 3 مسافر جاں بحق
نوشہرہ میں قائم زیڈ آر کے گروپ کی فیکٹری میں 45 سالہ چینی انجینیئر گاؤ شین گاؤ سمیت 39 چینی شہری کام کرتے تھے، پولیس نے اس جان لیوا حادثے میں کسی سازشی نظریے کو مسترد کردیا ہے۔
