سعودی سفارتخانے کے میڈیا اتاشی کے زیر اہتمام تخلیقی آرٹ کے عنوان سے ایک منفرد تقریب کا انعقاد کیا گیا جس کا مقصد سفارتخانے کی عمارت اور مشن کی رہائش گاہ کے سامنے موجود دیوار کو تخلیقی خاکوں اور تصاویر سے مزین کرنا تھا۔
یہ بھی پڑھیں: سعودی عرب جنوری 2025 میں مختلف اہم کانفرنسز کی میزبانی کرےگا
اس پروقار تقریب میں معزز سعودی سفیر نواف بن سعید المالکی اور اسلام آباد کیپٹل ڈیولپمنٹ اتھارٹی (سی ڈی اے) کے ڈائریکٹر چوہدری محمد علی نے خصوصی طور پر شرکت کی۔
افتتاحی تقریب کے حوالے سے سعودی سفیر نواف بن سعید المالکی نے اپنے ایکس اکاؤنٹ پر پوسٹ بھی شیئر کی۔
اج میں نے چیئرمین کیپٹل ڈویلپمنٹ اتھارٹی (سی ڈی اے) جناب چوہدری محمد علی کے ہمراہ سفارت خانے کے میڈیا اتاشی کے زہر اہتمام سفارت خانے کی طرف جانے والی سڑک کی دیوار پر "تخلیقی آرٹ" کا افتتاح کیا۔
🇵🇰🤝🇸🇦 pic.twitter.com/Sg2yszQxlN— نواف بن سعيد المالكي (@AmbassadorNawaf) January 2, 2025
یہ دیوار تخلیقی فن پاروں کے ذریعے نہ صرف دونوں ممالک کی ثقافتی عظمت کو اجاگر کرے گی بلکہ اسلام آباد کی خوبصورتی میں بھی اضافہ کرے گی۔
مزید پڑھیے: سعودی سفارتخانے کا ’یوم اقبال‘ پر شاعر مشرق کو زبردست خراج تحسین
شرکا نے اس اقدام کو سراہتے ہوئے کہا کہ یہ آرٹ دونوں ممالک کے درمیان تعلقات کی مضبوطی کی عکاسی کرتا ہے۔
تقریب میں فنکاروں کی تخلیقی صلاحیتوں کو بھی خراج تحسین پیش کیا گیا۔
