پنجاب پولیس نے دہشتگردی، جرائم کی روک تھام اور پرتشدد مظاہرین سے نمٹنے کے لیے لڑاکا کتوں کی خدمات حاصل کرلی ہیں۔
یہ بھی پڑھیں: منشیات فروشوں کے خلاف پولیس آپریشن میں کتا کیوں مارا گیا؟
میڈیا رپورٹس کے مطابق پنجاب پولیس نے صوبے کی سرحدی چیک پوسٹوں پر دہشتگرد حملوں کی روک تھام، جرائم پیشہ عناصر کے تعاقب اور پُرتشدد مظاہرین کو منتشر کرنے کے لیے افغان کوچی نسل کے سدھائے گئے لڑاکا کتوں کا یونٹ قائم کیا ہے۔
ابتدائی مرحلے میں پنجاب کی 11 سرحدی پولیس چوکیوں پر 24 کتے پہنچائے گئے ہیں، ان کتوں کو پولیس چوکیوں پر 5 ماہ کی تربیت کے بعد باقاعدہ سیکیورٹی پر مامور کیا جائے گا۔
پنجاب پولیس نے دوسرے مرحلے میں پُرتشدد احتجاجی مظاہرین کو منتشر کرنے کے لیے بھی لڑاکا کتے خریدنے کا فیصلہ کیا ہے، جس کے لیے کتوں کو تربیت دینے کے لیے 10 ڈاگ ہینڈلرز پولیس میں بھرتی کیے جائیں گے۔
یہ بھی پڑھیں: گلگت میں کتوں کے بعد بلیوں کے کاٹنے کے واقعات بھی ہونے لگے، اب تک کتنی اموات ہوگئیں؟
پولیس حکام کا مؤقف ہے کہ حساس مقامات پر کتے مامور کرنے سے جانی نقصان کی شرح میں کمی آئے گی۔
