ویسٹ انڈیز کی کرکٹ ٹیم 19 برس بعد ٹیسٹ سیریز کھیلنے کے لیے پاکستان پہنچ گٸی ہے۔
آج اسلام آباد پہنچنے پر پاکستانی حکام نے ویسٹ انڈیز کرکٹ ٹیم کا استقبال کیا۔ اس موقع پر وفاقی دارالحکومت میں سخت سیکیورٹی کے انتظامات کیے گئے تھے۔
West Indies Test squad arrives in Pakistan for the two-match series 🏏#PAKvWI pic.twitter.com/uoJKU4UHd7
— Pakistan Cricket (@TheRealPCB) January 6, 2025
پاکستان اور ویسٹ انڈیز کے مابین آئی سی سی ورلڈ ٹیسٹ چیمپئن شپ کے 2 میچز کھیلے جاٸیں گے۔ دونوں ٹیموں کے مابین پہلا ٹیسٹ میچ 17 سے 21 جنوری جبکہ دوسرا ٹیسٹ میچ 25 سے 29 جنوری تک کھیلا جائے گا۔ دونوں میچز ملتان میں کھیلے جائیں گے۔
یہ بھی پڑھیں: آئی سی سی ورلڈ ٹیسٹ چیمپیئن شپ: ویسٹ انڈیز کرکٹ ٹیم کے دورہ پاکستان کا شیڈول جاری
واضح رہے کہ ویسٹ انڈیز نے آخری بار 2006 میں پاکستان میں 3 ٹیسٹ میچز کی سیریز کھیلی تھی۔ تاہم ویسٹ انڈیز نے اپریل 2018 کے بعد سے 3 بار پاکستان کا دورہ کیا ہے ایک بار ون ڈے انٹرنیشنل سیریز جون 2022 میں اور 2 بار ٹی20 انٹرنیشنل سیریز کے لیے جو اپریل 2018 اور دسمبر 2021 میں کھیلی گئی تھیں۔
