سیکریٹری جوڈیشل کمیشن نے سندھ ہائیکورٹ میں خالی آسامیوں پر ایڈیشنل ججز تعیناتی کے لیے ’جوڈیشل کمیشن ‘ کو 46 نام بھجوا دیے ہیں۔
یہ بھی پڑھیں:ہائیکورٹس میں ایڈیشنل ججز کی تقرری کے لیے ناموں کی فہرست جوڈیشل کمیشن کو ارسال
جمعرات کو سندھ ہائیکورٹ میں 12 ایڈیشنل ججز کی آسامیوں کے لیے 46 نام جوڈیشل کمیشن آف پاکستان کے ممبران کو بھجوا دیے گئے ہیں، جن میں سے 6 ڈسٹرکٹ اینڈ سیشن ججز کے نام شامل ہیں جبکہ باقی 40 وکلا کے نام شامل ہیں۔
ناموں کی فہرست میں ڈسٹرکٹ اینڈ سیشن ججز میں سوریش کمار، خالد حسین شاہانی اور مشتاق احمد لغاری شامل ہیں اسی طرح ایڈیشنل اینڈ سیشن ججز میں تسنیم سلطانہ، منور سلطانہ اور امیرعلی مہسیر بھی شامل ہیں۔
مزید پڑھیں:اسلام آباد ہائیکورٹ میں اضافی ججز کی تعیناتی کے لیے نامزدگیوں میں مزید ایک نام کا اضافہ
جوڈیشل کمیشن کو بھیجے گئے 40 وکلا کے ناموں میں علی حیدر ادا، نثار احمد بھمبرو، ریاضت علی ساحر، میراں محمد شاہ، راجہ جواد علی سحر، عبید الرحمان خان، رفیق احمد کلوار، عمائمہ انور خان، محمد عثمان علی ہادی، محمد عمر لاکھانی شامل ہیں ۔
اسی طرح منصورعلی گھنگرو، محمد ذیشان عبداللہ، محمد جعفر، ذوالفقارعلی سولنگی، حق نواز تالپور، عبد الحامد بھرگری، ڈاکٹر سید فیاض الحسن شاہ کے نام بھی شامل ہیں۔
وکلا کی فہرست میں محسن قادر شاہوانی، قاضی محمد بشیر، سندیپ ملانی، محمد حسن اکبر، سید احمد شاہ، امداد علی اونر، چوہدری عاطف رفیق، محمد جمشید ملک، عرفان میر ہیلپوتا کو بھی شامل کیا گیا ہے۔
یہ بھی پڑھیں:جوڈیشل کمیشن نے آئینی بینچ کےججز کی مدت میں توسیع اور تقرری رولز 2024 کی منظوری دیدی
اسی طرح فہرست میں جان علی جونیجو، ولی محمد کھوسو، فیاض احمد سمور، الطاف حسین، غلام محی الدین، راشد مصطفی، ارشد زاہد علوی، سید طارق احمد شاہ، صغیر احمد عباسی، وزیر حسین کھوسو، پرکاش کمار، محمد ذیشان، ریحان عزیز، شازیہ ہنجرا بھی شامل ہیں۔
سندھ ہائیکورٹ میں ججز کی خالی آسامیوں کے لیے جوڈیشل کمیشن کا اجلاس 23 جنوری کو ہوگا، اجلاس میں مذکورہ ناموں پرغور کیا جاۓگا۔
