سپریم کورٹ نے پنجاب کے لاء افسران کی برطرفیوں کے خلاف حکم امتناع کی استدعا مسترد کر دی۔
سپریم کورٹ میں ایڈووکیٹ جنرل پنجاب سمیت 97 لاء افسران کی برطرفی کے خلاف درخواست کی سماعت جسٹس اعجاز الحسن نے کی۔
برطرف لاء افسران کے وکیل عابد زبیری نے کہا نگران حکومت پنجاب کے لاء افسران کو عہدے سے نہیں ہٹا سکتی تھی۔ 24 جنوری کو لاء افسران برطرف کیے گئے اس روز پنجاب نگران کابینہ ہی نہیں تھی۔ برطرفیوں کا نوٹیفیکیشن معطل کر دیں۔
جسٹس اعجاز الحسن نے کہا کہ صرف فریقین کو نوٹسز جاری کررہے ہیں، حکم امتناع جاری نہیں کیا جا سکتا۔
سپریم کورٹ نے پنجاب حکومت، اٹارنی جنرل اور ایڈووکیٹ جنرل کو نوٹس جاری کرتے ہوئے پنجاب لاء افسران کی برطرفیوں کے خلاف حکم امتناع کی استدعا مسترد کر دی۔
