دفتر خارجہ نے پاک چین دوستی کے بارے میں غلط اور بے بنیاد الزامات کو سختی سے مسترد کر دیا ہے۔
یہ بھی پڑھیں: پاک چین دوستی میں دراڑ ڈالنے والے اپنے عزائم میں ناکام ہوں گے: وزیر اعظم
ترجمان دفتر خارجہ نے اپنے بیان میں کہا ہے کہ گزشتہ روز بین الاقوامی جریدے گارڈین میں ایک رپورٹ شائع ہوئی جس کا عنوان تھا ’پاکستان کا دبئی کے ساتھ کیا غلط ہوا،چینی منصوبے میں ایسا کیا ہے جو دہشت گردی کو جنم دے رہا ہے؟‘ مذکورہ رپورٹ بین الاقوامی ایئرپورٹ گوادر کے حوالے سے شائع کی گئی۔
ترجمان دفتر خارجہ نے میڈیا پر جاری ان افواہوں اور خصوصاً مذکورہ رپورٹ پر ردعمل دیتے ہوئے پاک چین دوستی کے بارے میں غلط اور بے بنیاد الزامات کو سختی سے مسترد کردیا ہے اور کہا ہے کہ پاک چین دوستی میں کبھی تغیر نہیں آیا۔
یہ بھی پڑھیں: پاک چین دوستی: ’سی پیک کے تحت پاکستان میں بے مثال تعمیر و ترقی‘
ترجمان نے دفتر خارجہ نے ایک بار پھر پاکستان کے بنیادی اُصولی مؤقف کو دہراتے ہوئے کہا کہ پاکستان ون۔چائنہ پالیسی کی حمایت کرتا ہے جو کہ پاکستان کی خارجہ پالیسی کا بنیادی جزو ہے اور اِس میں کبھی بھی تغیر نہیں آیا۔
انہوں نے زور دیتے ہوئے کہا کہ چین، پاکستان کا چہار موسمی تزویراتی شراکت دار ہے۔ اس تعلق کی بنیاد باہمی اعتماد، مشترکہ اقدار، ایک دوسرے کے بنیادی تحفظات کے لیے حمایت کے ساتھ ساتھ عالمی اور علاقاتی استحکام پر مبنی ہے۔
