ڈسٹرکٹ اینڈ سیشن کورٹ اسلام آباد میں فائرنگ کے ایک واقعہ میں جہاں پیشی پر لایا گیا ملزم ہلاک ہو گیا ہے۔ فائرنگ کرنے والے شخص کو پولیس نے موقع پرہی اسلحہ سمیت گرفتار کرلیا ہے۔
پولیس کے مطابق واقعہ اسلام آباد کے سیکٹر ایف ایٹ میں ضلع کچہری میں اس وقت پیش آیا جب ایک ملزم کو عدالت میں پیشی کے بعد بخشی خانے لے جایا جارہا تھا کہ اچانک ایک شخص نے فائرنگ کردی۔ جس کے باعث ملزم موقع پر ہلاک ہوگیا۔
پولیس نے فائرنگ کرنے والے ملزم کو موقع پر ہی اسلحے سمیت گرفتار کرلیا۔ ملزم زاور کے قبضے سے نائن ایم ایم پستول برآمد کی گئی۔
پولیس کے مطابق مقتول ملزم کا نام زاور ہے۔ جس کی عمر 30 سے 35 سال جب کہ اسکا تعلق چارسدہ سے ہے۔ زاور کے خلاف تھانہ کورال میں دو مقدمات درج تھے۔
مقتول ملزم زاور کو چوری اور تشدد کرنے کے الزام میں پہلے بھی گرفتار کیا جا چکا ہے۔
