مراکش کشتی حادثے میں ملنے والی 13 نعشوں کی شناخت کا عمل مکمل کر لیا گیا ہے۔ نعشوں کی شناخت کے عمل کے دوران 13 کا تعلق پاکستان سے ثابت ہوا۔
سفارتی ذرائع کے مطابق ہلاک شدگان میں درج ذیل پاکستانیوں کی نعشوں کی شناخت ہوئی ہے:
01 :سفیان علی ولد جاوید اقبال، پاسپورٹ نمبر VF1812352
02 :سجاد علی ولد محمد نواز، پاسپورٹ نمبر XX1836111
03 :رئیس افضل ولد محمد افضل، پاسپورٹ نمبر MJ1516091
04 :قصنین حیدر ولد محمد بنارس، پاسپورٹ نمبر AA6421773
05 :محمد وقاص ولد ثناء اللہ، پاسپورٹ نمبر DJ6315471
06 :محمد اکرم ولد غلام رسول، پاسپورٹ نمبر DN0151754
07 :محمد ارسلان خان ولد رمضان خان، پاسپورٹ نمبر LM4153261
08 :حامد شبیر ولد غلام شبیر، پاسپورٹ نمبر CZ5133683
09 :قیصر اقبال ولد محمد اقبال، پاسپورٹ نمبر GR1331413
10 :دانش رحمان ولد محمد نواز، پاسپورٹ نمبر SE9154371
11 :محمد سجاول ولد رحیم دین، پاسپورٹ نمبر AY5593661
12 :شہزاد احمد ولد ولایت حسین، پاسپورٹ نمبر GN1162802
13 :احتشام ولد طارق محمود، پاسپورٹ نمبر CE1170122
15 جنوری کو کشتی واقعہ میں 44 پاکستانیوں کے جاں بحق ہونے کی اطلاعات تھیں، تاہم مقامی حکام کو صرف 13 نعشیں ہی ملیں۔ ذرائع پاکستانی سفارت خانہ مراکش کے مطابق میتوں کی شناخت کے لیے نادرا کی خدمات بھی حاصل کی گئیں۔ فنگر پرنٹ اور تصاویر نادرا کو بھجوائی گئیں تھیں۔
مزید پڑھیں: مراکش کشتی حادثہ: ڈیڑھ کروڑ روپے میں موت خریدنے والا گوجرانوالہ کا جوان
ذرائع پاکستانی سفارت خانہ مراکش کے مطابق نادرا کی جانب سے تصدیقی عمل کے مکمل ہونے کے بعد فہرستیں مرتب کی گئیں ہیں۔ ملنے والی نعشیں ناقابل شناخت اور بغیر دستاویز تھیں۔ شناخت کے بعد جلد ان ملنے والے 13 پاکستانیوں کی نعشوں کی وطن واپسی کا عمل شروع کیا جائے گا۔
واضح رہے کہ گزشتہ ماہ مغربی افریقہ سے کشتی کے ذریعے اسپین پہنچنے کی کوشش کرنے والے افراد کو حادثہ پیش آیا تھا جس میں 50 افراد ڈوب کر ہلاک ہوگئے تھے، اور بتایا گیا تھا کہ مرنے والوں میں 44 افراد کا تعلق پاکستان سے تھا۔
مزید پڑھیں: مراکش کشتی حادثہ میں بچ جانے والے 7 پاکستانی وطن واپس پہنچ گئے
بعد ازاں بچ جانے والے کچھ افراد وطن واپس بھی پہنچے ہیں، جن سے ایف آئی اے نے تفتیش بھی کی ہے جس کے بعد انسانی اسمگلرز کے خلاف کارروائیاں کی جارہی ہیں۔ کچھ روز قبل وزیراعظم شہباز شریف نے کشتی حادثات پر تحقیقات میں سست روی پر ڈی جی ایف آئی اے احمد اسحاق کو عہدے سے ہٹا دیا تھا۔
