پاکستان نے سہ ملکی سیریز میں جنوبی افریقہ کے خلاف میچ کے لیے قومی پلیئنگ الیون کا اعلان کردیا۔
یہ بھی پڑھیں سہ ملکی سیریز: کراچی میں میچز کے دوران جامع سیکیورٹی پلان مرتب کرلیا گیا
کل کے میچ کے لیے قومی ٹیم میں دو تبدیلیاں کرتے ہوئے کامران غلام کی جگہ سعود شکیل کو شامل کیا گیا ہے، جبکہ فاسٹ بولر حسنین علی بھی ٹیم کا حصہ ہوں گے۔
اس کے علاوہ ٹیم میں محمد رضوان، بابر اعظم، فخر زمان، سلمان آغا، طیب طاہر، خوشدل شاہ، شاہین آفریدی، نسیم شاہ اور ابرار احمد شامل ہیں۔
قومی کرکٹ ٹیم کے فاسٹ بولر حارث رؤف انجری کی وجہ سے سہ فریقی سیریز کے بقیہ میچز میں اسکواڈ کا حصہ نہیں ہوں گے۔
پاکستان اور جنوبی جنوبی افریقہ کے درمیان میچ کل کراچی کے نیشنل اسٹیڈیم میں کھیلا جائےگا۔
یہ بھی پڑھیں سہ ملکی سیریز: جنوبی افریقہ کو شکست دے کر نیوزی لینڈ نے فائنل کے لیے کوالیفائی کرلیا
واضح رہے کہ سہ ملکی سیریز کے پہلے میچ میں نیوزی لینڈ نے پاکستان کو شکست دی تھی، جبکہ دوسرے میچ میں جنوبی افریقہ کو ہرا کر فائنل کے لیے کوالیفائی کرلیا تھا۔
