وفاقی وزیر اطلاعات عطااللہ تارڑ نے کہا ہے کہ انسانی اسمگلنگ میں ملوث ملزمان کسی رعایت کے مستحق نہیں، اب تک 436 اسمگلرز کو گرفتار کیا جا چکا ہے۔
یہ بھی پڑھیں سمندر کے راستے انسانی اسمگلنگ میں ملوث منظم گینگ بے نقاب
قومی اسمبلی میں خطاب کرتے ہوئے انہوں نے کہاکہ منڈی بہاؤالدین، سیالکوٹ اور گجرات میں انسانی اسمگلنگ کا مسئلہ زیادہ ہے، جسے روکنے کے لیے اقدامات کررہے ہیں۔
عطااللہ تارڑ نے کہاکہ وزیراعظم شہبازشریف نے انسانی اسمگلنگ کے حوالے سخت ایکشن لیا، اس سلسلے میں ایف آئی اے میں اصلاحات کی جارہی ہیں، انسانی اسمگلرز کو قرارواقعی سزا دی جائے گی۔
واضح رہے کہ یورپ پہنچنے کی کوشش میں تارکین وطن کی کشتیوں کو حادثات پیش آنے کی خبریں آئے روز سامنے آرہی ہوتی ہیں۔ حال ہی میں دو کشتیوں کو حادثات پیش آئے جن میں پاکستانیوں کی بھی بڑی تعداد موجود تھی۔
یہ بھی پڑھیں انسانی اسمگلنگ کے عفریت سے نمٹنے کے لیے سینیٹ میں اہم بلز منظور، سخت سزائیں مقرر
وزیراعظم پاکستان شہباز شریف نے انسانی اسمگلرز کے خلاف کارروائی کی سختی سے ہدایات جاری کی ہوئی ہیں، جبکہ غفلت برتنے پر ڈی جی ایف آئی اے کو عہدے سے بھی ہٹایا جا چکا ہے۔
