چیمپیئنز ٹرافی کے افتتاحی میچ میں نیوزی لینڈ کیخلاف زخمی ہوکر ٹورنامنٹ سے باہر ہوجانیوالے پاکستان کے اوپننگ بلے باز فخر زمان نے مذکورہ میچ میں میزبان ٹیم پاکستان کی شکست کے بعد سماجی رابطے کی ویب سائٹ ایکس پر پہلی مرتبہ اپنے جذبات کا اظہار کیا ہے۔
یہ بھی پڑھیں:چیمپیئنز ٹرافی: نیوزی لینڈ کے خلاف فخر زمان انجری کا شکار
فخر زمان کا کہنا ہے کہ سب سے بڑے اسٹیج پر پاکستان کی نمائندگی کرنا اس ملک کے ہر کرکٹر کا اعزاز اور خواب ہے، مجھے فخر کے ساتھ پاکستان کی نمائندگی کرنے کا اعزاز حاصل ہوا ہے۔
https://Twitter.com/FakharZamanLive/status/1892500493173219703?mx=2
’بدقسمتی سے میں اب آئی سی سی چیمپیئنز ٹرافی 2025 سے باہر ہوں لیکن یقیناً اللہ بہترین منصوبہ ساز ہے، موقع کے لیے مشکور ہوں۔‘
مزید پڑھیں:فخر زمان کو کونسی بیماری ہوگئی تھی جس نے ان کا 10 کلو وزن کم کردیا، اوپنر نے سب بتادیا
ایکس پر اپنے پیغام میں فخرزمان کا کہنا ہے کہ انجری کے باعث ٹورنامنٹ سے باہر ہونے کے بعد اب وہ گھر سے پاکستانی ٹیم میں اپنے ساتھیوں کی پشت پناہی کروں گا، نیوزی لینڈ کیخلاف شکست کے حوالے سے انہوں نے لکھا کہ یہ تو صرف شروعات ہے، واپسی اس دھچکے سے زیادہ مضبوط ہوگی۔
واضح رہے کہ آئی سی سی مینز چیمپئنز ٹرافی 2025 کی ایونٹ ٹیکنیکل کمیٹی نے فخر زمان کی جگہ امام الحق کو پاکستانی اسکواڈ میں شامل کرنے کی منظوری دے دی ہے۔
مزید پڑھیں:پاکستان کو بڑا جھٹکا، فخر زمان چیمپیئنز ٹرافی سے باہر، متبادل کھلاڑی کی تلاش شروع
72 ون ڈے میچز میں پاکستان کی نمائندگی کرنیوالے 29 سالہ امام الحق کو فخر زمان کی انجری کی وجہ سے باہر ہونے کے بعد متبادل کے طور پر نامزد کیا گیا تھا۔
کسی بھی کرکٹر کو باضابطہ طور پر اسکواڈ میں شامل کرنے سے پہلے کسی کھلاڑی کی تبدیلی کے لیے ایونٹ ٹیکنیکل کمیٹی کی منظوری درکار ہوتی ہے۔
