سپریم کورٹ کے چیف جسٹس عمر عطا بندیال کی خوشدامن اور سینیئر وکیل خواجہ طارق کی اہلیہ کے درمیان ہونے والی ٹیلفونک گفتگو کی مبینہ آڈیو منظر عام ہوئی ہے۔
دونوں خواتین کے مابین مبینہ گفتگو میں تحریک انصاف کے وکیل خواجہ طارق کی اہلیہ رافعہ کو یہ کہتے سنا جاسکتا ہے کہ ‘الیکشن نہیں تو پھر مارشل لا لگے گا، یہ کسی صورت نہیں رہ سکتے۔’
تفصیلات کے مطابق عمر عطا بندیال کی خوشدامن ماہ جبین مبینہ ٹیلیفونک کال پر خواجہ طارق کی اہلیہ کو مخاطب کرتے ہوئے کہتی ہیں کہ وہ رات سے عمر کے لیے دعائیں مانگ رہی ہیں۔
ہیکر کا عید کے موقع پر اعلی عدلیہ کو بھیجا گیا خصوصی عید گفٹ ! pic.twitter.com/LSEwbuHWVW
— Hassan Ayub Khan (@HassanAyub82) April 23, 2023
‘لوگوں کو بھی کہا ہے اور عمر کو بھی میسج بھیجا ہے۔ میں نے کہا تم لاہور کے جلسے میں موجود تھی وہاں لاکھوں لو گ تھے ، اور اسی طرح ہر شہر میں لاکھوں بندہ ہے ، اور تم صرف یہ اندازہ لگا لو کہ تمہارے لیے کتنی دنیا دعا کر رہی ہے، تمہاری ہمت اور حفاظت کے لیے، اللہ رحم کرے۔’
اس موقع پر رافعہ کہتی ہیں کہ ان کی حفاظت ضروری ہے۔ جس پر ماہ جبین کہتی ہیں کہ اللہ اُ ن کو کمزور کرے اور اِن کو ہمت دے۔
رافیعہ کہتی ہیں : ‘اللہ باقیوں کو اندھا کر دے۔ میں تو یہ کہہ رہی ہوں ، وہ تو اس ملک کے غدار ہیں، دیکھو وہ کر کیا رہے ہیں۔’
ماہ جبین جواب دیتی ہیں کہ لیکن اب وہ کہہ رہے ہیں کہ انہیں یہ کرنے کا اختیار کیوں دیا گیا ،جان کر ایڈوانٹیج دے رہے ہیں، سوال کیا جارہاہے کہ سوموٹو کیوں دیا گیاہے۔ عمر کو تو نہیں دیا، یہ تو پہلے کا ہوا ہوا ہے۔
عمر عطاء بندیال کی ساس اور پی ٹی آئی کے وکیل خواجہ طارق رحیم کی اہلیہ کی آڈیوز لیکس. عطا بندیال کو میسجز پہنچانے، چھوٹے جج منیب اختر کو وٹس ایپ پیغام بھیجنے، جلدی الیکشن کے بارے میں گفتگو لیک ہوگۂی pic.twitter.com/jpq0zTX4Br
— Sʏᴇᴅᴀ Sᴀʙᴀʜᴀᴛ HS🇵🇸 (@SyedaSabahatHS) April 23, 2023
رافعہ کہتی ہیں کہ یہ تو ہر چیف جسٹس کا حق ہے۔ ‘رات میں نے منیب اور اس کو گڈ کا ایموجی بھیجا تو انہوں نے مجھے آگے سے وہ ایموجی بھیجی جس میں وہ اپنے دانتوں میں زبان دبا لیتے ہیں مجھے کہہ رہے تھے کہ احتیاط کرو، میں نے کہا کہ بھئی کس چیز کی احتیاط۔’
اس موقع پر ماہ جبین کہتی ہیں کہ یار جلدی جلدی الیکشن ہوں ابھی۔ جس پر رافعہ کا کہنا تھا کہ ‘دیکھو اگر الیکشن نہیں ہوتے تو پھر یہ اپنا سمجھ لیں کہ پھر مارشل لا لگے گا۔ یہ نہیں ر ہ سکتے، بس بات ختم۔’
ماہ جبین کی اس بات پر کہ ‘کم بخت مارشل لا لگانے کو تیار نہیں’، رافعہ آگے سے جواب دیتی ہیں کہ ‘وہ بالکل تیار ہیں۔’
