نیوزی لینڈ کی وزیراعظم جیسنڈا آرڈن نے اقتدار چھوڑنے کا اعلان کر دیا ہے، وہ اگلے ماہ وزارت عظمی کی ذمہ داریاں چھوڑ دیں گی۔
نیوزی لینڈکی وزیراعظم 7فروری تک اپنے فرائض سرانجام دیں گی، اقتدار چھوڑنے کے اعلان کے ساتھ انہوں نے کہا کہ دوبارہ الیکشن لڑنےکا کوئی ارادہ نہیں ہے۔
سالانہ اجلاس میں جیسنڈا آرڈرن کا کہنا تھا کہ وزیراعظم کا عہدہ سنبھالنا ایک بڑی ذمہ داری تھی، لیکن اب وہ سمجھتی ہیں کہ ان میں وہ انرجی باقی نہیں رہی کہ وزیراعظم کے منصب کے ساتھ انصاف کرسکیں۔
جیسنڈا آرڈن نے پوچھا گیا کہ نیوزی لینڈ کے لوگ ان کی قیادت کو کس طرح یاد رکھیں گے؟ تو انہوں نے کہا کہ ایک ایسے شخص کے طور پر جس نے ہمیشہ مہربان رہنے کی کوشش کی ہے۔
واضح رہے نیوزی لینڈ میں عام انتخابات رواں سال اکتوبرمیں ہوں گے۔
جیسنڈا آرڈرن کو دنیا کی سب سے کم عمر خاتون حکمران کا اعزاز حاصل ہے، وہ 2017 میں 37 سال کی عمر میں وزیراعظم منتخب ہوئی تھیں۔
