پشتون خواہ ملی عوامی پارٹی (پی کے میپ) کے چیئرمین محمود خان اچکزئی کے صاحبزادے اسل خان کے خلاف جوڈیشل مجسٹریٹ کی عدالت نے ناقابل ضمانت وارنٹ گرفتاری جاری کردیے۔پولیس کے مطابق محمود خان اچکزئی کا بیٹا اسل خان قتل کے مقدمے میں نامزد ہے۔
اسل خان اچکزئی کے خلاف 14 مارچ 2023 کو شارع اقبال پر فائرنگ اور قتل کا مقدمہ درج ہے۔ فائرنگ سے وزیر اعلیٰ بلوچستان بلال کاکڑ کے بھائی بسم اللہ کا محافظ جاں بحق ہوا تھا۔ جوڈیشل مجسٹریٹ کی عدالت نے ملزم کے خلاف ناقابلِ ضمانت وارنٹ گرفتاری جاری کر کے عدالت میں پیش ہونے کی ہدایت کی ہے۔
