وزیرخارجہ بلاول بھٹو نے کہا ہے کہ خانہ جنگی کے شکار سوڈان سے پاکستانیوں کے محفوظ انخلاء کے عمل کا سلسلہ جاری ہے۔مزید211 پاکستانیوں پر مشتمل قافلہ خرطوم سے سوڈان کی بندرگاہ پہنچ گیاہے۔قریباً 500 پاکستانیوں پر مشتمل پہلا قافلہ گزشتہ روز جدہ جانے کے لئے خرطوم سے سوڈان کی بندرگاہ پہنچا تھا۔
ترجمان دفتر خارجہ سے جاری بیان کے مطابق وزیرخارجہ بلاول بھٹو زرداری نے کہا کہ قریباً 700 محصور پاکستانیوں کو باحفاظت جدہ لے جانے کے لئے خرطوم سے سوڈان کی بندرگاہ پہنچایا جاچکا ہے۔
وزیرخارجہ نے محصور پاکستانیوں کے انخلاء میں معاون تمام دوست ممالک بالخصوص سعودی عرب سے اظہار تشکرکیا اور محکمہ خارجہ سمیت سوڈان سے پاکستانیوں کی باحفاظت واپسی میں اپنا کردار ادا کرنے والے تمام افراد کو خراج تحسین پیش کیا۔
