وفاقی حکومت نے کسی بھی ملک سے اعلیٰ عہدیداروں کے لیے تحائف قبول نہ کرنے کا فیصلہ کیا ہے۔
یہ بھی پڑھیں: وفاقی کابینہ: توشہ خانہ کے نظام میں شفافیت لانے کے لیے ایکٹ پر نظرثانی کا فیصلہ، کمیٹی تشکیل
وفاقی وزیردفاع خواجہ آصف کی سربراہی میں کمیٹی نے توشہ خانہ سے متعلق نئی سفارشات تیار کی ہیں ،جن کے مطابق حکومتی عہدیداروں پر غیرملکی دوروں کے دوران تحائف لینے پر پابندی عائد کردی جائے گی،وفاقی حکومت اس ضمن میں توشہ خانہ کے قوانین تبدیل کرے گی۔
اس حوالے سے خواجہ آصف کا کہنا ہے کہ غیرملکی دوروں کے دوران تحائف لینے پر جلد پابندی عائد کردی جائے گی، تنازعات سے بچنے کے لیے حکومت نے یہ فیصلہ کیا ہے۔
یہ بھی پڑھیں: توشہ خانہ ٹو کیس: بشریٰ بی بی کے وارنٹ گرفتاری جاری
انہوں نے کہا کہ وزیراعظم کی منظوری کے بعد حکومتی عہدیداروں پر تمام ممالک سے تحائف لینے پر باضابطہ پابندی لگادی جائے گی، دوست ممالک کو سرکاری سطح پر بھی تحائف نہ دینے کی درخواست کی جائے گی۔
خواجہ آصف نے کہا کہ نہ رہے گا بانس نہ بجے گی بانسری، نہ تحفے ملیں گے نہ ہی تنازعات جنم لیں گے۔
یہ بھی پڑھیں: توشہ خانہ کیس 2 میں عمران خان اور بشریٰ بی بی پر فرد جرم عائد
یاد رہے کہ جنوری 2025 میں وفاقی حکومت نے توشہ خانہ کے نظام میں مزید شفافیت لانے کے لیے توشہ خانہ ایکٹ 2024 پر نظر ثانی کا فیصلہ کیا تھا، وزیراعظم نے اس حوالے سے وزیر دفاع خواجہ آصف کی سربراہی میں کمیٹی تشکیل دی تھی۔
