رمضان المبارک رحمت، مغفرت اور جہنم سے نجات کا مہینہ ہے۔ اس مہینے میں نیکیوں کا ثواب کئی گنا بڑھا دیا جاتا ہے اور ہمیں اپنی عبادات کے ساتھ دوسروں کی مدد کرنے کی بھی ترغیب دی جاتی ہے۔ رمضان المبار ک میں روزے داروں کے لیے سحری اور افطاری کا بندوبست کرنا ایک بڑی نیکی ہے۔ افطارکے وقت محنت کش طبقے کو خاص طور پر شامل کرنا چاہیے تاکہ وہ بھی روزہ افطار کر سکیں۔
سماجی رابطے کی ویب سائٹ ایکس پر ایک ویڈیو وائرل ہے جس میں دیکھا جاسکتا ہے کہ افطار کا وقت ہے اور ایک فوڈ رائیڈر کھانا ڈیلور کرنے کسی کے گھر کے باہر کھڑا ہے ، اسی اثنا میں مغرب کی اذان ہوجاتی ہے اور افطار کے لیے کچھ نہ ہونے کے باعث وہ ڈیوٹی سرانجام دیتے ہوئے پانی سے ہی روزہ افطار کر رہاہے۔ ویڈیو وائرل ہوئی تو صارفین نے خوب تبصرے کیے اور عوام سے اپیل کی کہ افطار کے وقت ان محنت کشوں کو کھانے کے لیے ضرور پوچھ لیا کریں ۔ ایک صارف نے ویڈیو شیئر کرتے ہوئے لکھا ’جب کوئی رائیڈر آپ تک آپ کا کھانا پہنچائے تو اس سے افطار کا پوچھ لیں،ہوسکتا ہے وہ رزق کمانے کی محنت میں روزہ تک نا کھول سکا ہو۔ ‘
جب کوئی رائیڈر آپ تک آپ کا کھانا پہنچائے تو اس سے افطار کا پوچھ لیں،ھوسکتا ھے وہ رزق کمانے کی محنت میں روزہ تک نا کھول سکا ھو۔ pic.twitter.com/4iwh5PIQj2
— صحرانورد (@Aadiiroy2) March 7, 2025
ایک اور صارف نے تبصرہ کرتے ہوئے لکھا کہ ــ’میں 10 سال اسلام آباد میں رائیڈر رہا ہوں کئ بار ایسا ہوا اذان کے ٹائم پر ڈیلیوری دی لیکن کسی نے افطار کا نہیں پوچھا۔‘
میں 10 سال اسلام آباد میں رائیڈر رہا ہوں کئ بار ایسا ہوا اذان کے ٹائم پر ڈیلیوری دی لیکن کسی نے افتار کا نہیں پوچھا
— Shapall kiani (@shapall21010) March 7, 2025
جہاں صارفین نے انسانی ہمدری اور احساس کا پیغام دیا وہیں کچھ صارفین کو لگا کہ شاید یہ ویڈیو رمضان کی نہیں ہے کیونکہ ویڈیو میں روشنی ہے اور افطار کا وقت نہیں لگ رہا۔ ایک صارف نے لکھا’دن کھڑا ہوا ہے اور روزہ افطار کر دیتے ہیں یہ کیا عجیب تماشا لگایا ہوا ہے؟‘
دن کھڑا ہوا ہے اور روزہ افطار کر دیتے ہیں یہ کیا عجیب تماشا لگایا ہوا ہے؟
— Gada Hussain Junejo (@gada_junejo) March 7, 2025
ایک اور صارف جو پیشے سے فوڈ رائیڈر رہ چکے ہیں نے تبصرہ کرتے ہوئے لکھا ’میں یہ کام دو ایک سال تک کر چکا ہوںاکثر کوشش ہوتی کہ اذان سے پہلے ڈیلیور کر لوں اور کسی نزدیکی مسجد میں جا کے افطار کر لوں ،میں شہر دور دیہات سے آتا تھا اور کوشش یہی ہوتی تھی کہ ایسی مسجد ملے جہاں کھانا مل جائے اور میں سحری کے وقت گھر پہنچتا تھا اور کھانا کھاتا تھا۔‘
میں یہ کام دو ایک سال تک کر چکا ہوں
اکثر کوشش ہوتی کہ ازان سے پہلے ڈیلیور کر لوں اور کسی نزدیکی مسجد میں جا کے افطار کر لوں
میں شہر دور دیہات سے آتا تھا اور کوشش یہی ہوتی تھی کہ ایسی مسجد ملے جہاں کھانا مل جائے اور میں سحری کے وقت گھر پہنچتا تھا اور کھانا کھاتا تھا— Irفan Hئےder (@HydrLnga) March 7, 2025
سوشل میڈیا صارفین کا کہنا تھا کہ ہمیں انسانیت کے ناطے ہمدردی اور خدمت کے جذبے سے سر شار ہونا چاہیے اور نہ صرف رمضان المبارک بلکہ اس کے علاوہ بھی اپنے آس پاس سفید پوش لوگوں کی مدد کرنی چاہیے ۔
