کراچی کے مختلف علاقوں میں شہاب ثاقب دیکھا گیا جس کی تیز روشنی سے آسمان جگمگا اٹھا۔
فضا میں شہاب ثاقب کے گزرنے کی ویڈیوز شہریوں نے موبائل فون کے کیمرے سے محفوظ کرلیں جو اب سوشل میڈیا پر وائرل ہیں۔
*کراچی سمیت سندھ بھر میں شہاب ثاقب ستارہ گرنے کا نظارہ دیکھا گیا، شہاب ثاقب ستارہ گرنے سے سبز روشنی سے پورا شہر جگمگا اٹھا*
تفصیلات کے مطابق کراچی کے مختلف علاقوں میں آج رات تقریباً ڈھائی بجے یہ شہاب ثاقب ستارہ بڑی تیزی سے زمین کی طرف آیا جو تیز ہونے کی وجہ سے آسمان میں پھٹ گیا pic.twitter.com/8yFXLG7JtI
— ABID MINHAS (@AbidMinhas75) March 17, 2025
خلا سے آئے اس مہمان کو ناظم آباد، نارتھ ناظم آباد، اورنگی ٹاون اور اطراف کے علاقوں میں رات ڈھائی بجے کے قریب گزرتے دیکھا گیا۔
یہ بھی پڑھیے: خلا میں 9 ماہ تک پھنسے رہنے والے خلابازوں کو کتنا معاوضہ ملے گا؟
ماہرین کے مطابق شہاب ثاقب خلائی چٹان ہوتے ہیں جو کبھی کبھار زمین کے مدار میں بھی داخل ہوتے ہیں۔ تاہم اکثر شہاب ثاقب زمین کی فضا میں موجود مختلف گیسوں سے رگڑ کھانے کے بعد تیز روشنی پیدا کرکے ختم ہوجاتے ہیں۔
