امریکی وفد اچانک کابل پہنچ گیا، طالبان کی جانب سے خیر مقدم۔
یہ بھی پڑھیں:افغان طالبان نے گرفتار برطانوی جوڑے کو ہائی سیکیورٹی جیل میں منتقل کردیا
امریکی وفد کے اچانک کابل پہنچنے پر افغانستان کے قائم مقام وزیر خارجہ نے وفد سے ملاقات کی۔
اس دورے سے متعلق خیال کیا جاتا ہے کہ یہ ایک ’سرپرائز وزٹ‘ ہے۔ امریکی وفد کے ساتھ امریکی خصوصی ایلچی اور افغان مفاہمتی عمل کے سابق ایلچی زلمے خلیل زاد بھی تھے جنہوں نے دوحہ مذاکرات کی سربراہی کی۔
امریکی وفد اور طالبان کے درمیان ہوئی ملاقات میں سیاسی اور اقتصادی تعلقات بڑھانے کے لیے تبادلہ خیال کیا گیا، اس ملاقات میں ہوئی پیشرفت کی مزید تفصیلات نہیں بتائی گئیں۔
یاد رہے کہ یہ دورہ ایک ایسے وقت میں ہوا ہے جب یہ قیاس آرائیاں کی جا رہی ہیں کہ ٹرمپ انتظامیہ طالبان کے ساتھ تعلقات کی اپنی شرائط کی تجدید کر رہی ہے۔
