تھری ڈی گروسری شاپنگ ایپ: گھر بیٹھ کر اسٹور میں گھومیں پھریں

گھر بیٹھے اشیائے ضروریہ کی آن لائن خریداری کریں، وہ بھی آن لائن سفر کرتے ہوئے اسٹورمیں گھوم پھرکر۔ یہ آپ کے لیے ایک دلچسپ لیکن منفرد تجربہ ہوگا۔ آپ  اپنے پسند اور ضرورت کی اشیا خود اٹھائیں گے، ٹرالی میں ڈالیں گے، ادائیگی کریں گے اور مطمئین ہو جائیں گے۔

‘جی ہاں! یہ ’مارٹ ورس (martvers ) ہے  جو تھری ڈی گروسری شاپنگ ایپ ہے۔، جسے پشاور کے چند نوجوانوں نے متعارف کروایا ہے۔

مارٹ ورس، کے سی ای او عثمان احمد نے وی نیوز کو بتایا کہ یہ metaverکی  طرز پر بنایا ہوا ایک شاپنگ پلیٹ فارم ہے۔ انہوں نے بتایا کہ ان کوشش تھی کہ وہ یہ شاپنگ تھری ڈی ایپ android اور آئی ایس او کے لیے بنائیں ۔ انہوں نے ایپ اب لانچ کردی ہے۔ اور لوگوں کی جانب سے بہت اچھا response آیا ہے۔

یہاں سے کاسمیٹکس سمیت تمام اشیائے ضروریہ خریدی جاسکتی ہیں۔عثمان احمد نے مزید بتایا کہ  وہ سامان کی ڈیلیوری اسی دن کرتے ہیں۔

انہوں نے بتایا کہ “یہ ایک ایسی تھری ڈی ایپ ہے ، جسے استعمال کرتے ہوئے آپ  اپنے آپ کو بہ نفس نفیس خود کو اسٹورمیں خریداری کرتا محسوس کریں گے۔ آپ خریداری کے بعد سامان ٹرالی میں بھی ڈالیں گے۔ اس کے علاوہ اس دلچسپ تجربہ میں کیا کچھ ہوگا، دیکھیے اس ویڈیو رپورٹ میں!