پاکستان ایگلز نے لاہور میں جاری گرونانک کبڈی کپ کے دوسرے دن زبردست کھیل پیش کرتے ہوئے بھارتی اور ایرانی ٹیموں کو شکست دے کر فائنل میں اپنی جگہ پکی کرلی۔ مقامی میدان میں ہونے والے ان مقابلوں میں پاکستان ایگلز نے اپنی مہارت، ٹیم ورک اور حکمت عملی کا اعلیٰ مظاہرہ کرتے ہوئے شائقین کے دل جیت لیے۔
The Pakistan Kabaddi Federation and Fatima Fertilizer Company Limited proudly announced the commencement of the highly anticipated Sarsabz Baba Guru Nanak International Circle Style Gold Kabaddi Cup 2025. #Lahore #Pakistan #Game #Tournament pic.twitter.com/kyeJHFCA1G
— Startup Pakistan (@PakStartup) April 16, 2025
ایونٹ کے دوسرے دن کے پہلے میچ میں پاکستان ایگلز نے بھارتی ٹیم ’ایس جی پی سی ٹائیگرز‘ کو 26 کے مقابلے میں 37 پوائنٹس سے شکست دی۔ اس سنسنی خیز مقابلے میں بھارتی سورما پاکستانی ٹیم کے سامنے جم کر مقابلہ کرنے میں ناکام رہے جبکہ پاکستانی کھلاڑیوں نے جارحانہ کھیل سے مداحوں کو خوب محظوظ کیا۔
مزید پڑھیں:کبڈی کو زندہ رکھنے کے لیے پشاور کے نوجوانوں میں مقابلے
اسی روز کھیلے گئے دوسرے اہم میچ میں ایگلز کا مقابلہ ایرانی ٹیم ’لائینز آف تبریز‘ سے ہوا، جہاں پاکستان ایگلز نے شاندار کھیل کا تسلسل برقرار رکھتے ہوئے 30 کے مقابلے میں 46 پوائنٹس سے میدان مار لیا اور فائنل کے لیے کوالیفائی کر لیا۔
پاکستان کبڈی فیڈریشن کے سیکریٹری رانا سرور نے ایونٹ کے کامیاب انعقاد پر مسرت کا اظہار کرتے ہوئے کہا کہ یہ ایونٹ دنیا بھر کو پیغام ہے کہ پاکستان پرامن اور کھیلوں سے محبت کرنے والا ملک ہے۔ کبڈی جیسے روایتی کھیل کے ذریعے ہم اپنی ثقافت اور نوجوانوں کی صلاحیتوں کو دنیا کے سامنے اجاگر کر رہے ہیں۔
مزید پڑھیں:پنجاب کلچر ڈے کی مناسبت سے تقریبات کا آغاز، کن فنکاروں نے فن کا مظاہرہ کیا؟
انہوں نے مزید کہا کہ گرونانک کبڈی کپ جیسے مقابلے پاکستان میں کبڈی کے روشن مستقبل کی علامت ہیں اور ایسے ایونٹس نوجوان کھلاڑیوں کی حوصلہ افزائی کے لیے انتہائی اہم کردار ادا کر رہے ہیں۔
ایونٹ کا فائنل آج کھیلا جائے گا، جہاں پاکستان ایگلز اور انڈین ٹائیگرز آمنے سامنے ہوں گے۔ شائقین اس معرکہ آرائی کو ایک سنسنی خیز اور تاریخی مقابلہ قرار دے رہے ہیں۔
