امریکی فضائیہ بحیرہ احمر میں اپنا ایک لڑاکا طیارہ اس وقت گنوا بیٹھی جب یمن میں حوثی باغیوں کے خلاف برسر پیکار امریکی طیارہ بردار بحری جہاز سے ایک لڑاکا طیارہ ایف اے 18 سپر ہارنیٹ بحیرہ احمر میں جا گرا۔
امریکی طیارہ بردار بحری جہاز یو ایس ایس ہیری ایس ٹرومین بحیرہ احمر کی وسیع آبی گزرگاہ میں یمن میں حوثی ٹھکانوں پر حملے کے دوران اپنے ایک لڑاکا طیارے اور ایک ٹو ٹریکٹر سے محروم ہو گیا۔
An F/A-18 fighter jet slipped off the hangar deck of the USS Harry S. Truman as sailors were towing the aircraft into place, the Navy said. https://t.co/cZO7aA1xqs
— Navy Times (@NavyTimes) April 28, 2025
امریکی بحریہ کے مطابق جہاز کو ہینگر بے میں فعال طور پر ٹو کیا جارہا تھا جب عملے نے طیارے کا کنٹرول کھو دیا، جس کے باعث جیٹ طیارہ اور ٹو ٹریکٹر دونوں جہاز سے گزرتے ہوئے سمندر میں کھو گئے۔
امریکی بحریہ نے کہا کہ جہاز کو کھینچنے والے ملاحوں نے طیارے کے اوپر سے گرنے سے قبل فوری کارروائی کرتے ہوئے پیچھے ہٹ گئے، تمام بحری اہلکاروں کو گنتی پر پورا پایا گیا جبکہ ایک ملاح کو معمولی چوٹیں آئیں، واقعے کی تحقیقات جاری ہیں۔
نیوی ایئر سسٹمز کمانڈ کے مطابق ایف اے 18 سپر ہارنیٹ کی قیمت تقریباً 67.4 ملین ڈالر ہے، یو ایس ایس ہیری ایس ٹرومین سے سمندر میں گرنے والا یہ پہلا لڑاکا طیارہ نہیں تھا۔
اس سے قبل ایک اور ایف اے 18 سپر ہارنیٹ جولائی 2022 میں غیر متوقع تیز ہواؤں سے اڑا دینے کے بعد، اٹلی کے نیپلز کے قریب طیارہ بردار بحری جہاز سے گرنے کے بعد سمندر میں کھو گیا تھا۔
حکام نے بتایا کہ حالیہ نقصان کے باوجود، ہیری ایس ٹرومین کیریئر اسٹرائیک گروپ، بحیرہ احمر میں تعینات امریکی جنگی جہازوں کا ایک اتحاد اور ایک فضائی ونگ مکمل طور پر مشن کے قابل ہے۔
