سوشل میڈیا پر ایک دلچسپ ویڈیو وائرل ہو رہی ہے جس میں دیکھا جا سکتا ہے کہ ایک بچہ دعا مانگ رہا ہے اور اس کے ساتھ سندھ پولیس کے اہلکار اور علاقے کے دیگر لوگ بھی دعا کے لیے ہاتھ اٹھائے کھڑے ہیں۔
دعا مانگتے ہوئے اس وقت دلچسپ صورتحال پیدا ہو گئی جب بچے نے کہا کہ ہماری پولس رشوت خور ہے اللہ ہدایت دے، اس پر پولیس اہلکار نے ہنستے ہوئے دعا کے لیے اٹھائے ہوئے ہاتھ چھوڑ دیے اور ساتھ کھڑے دیگر لوگوں کی بھی ہنسی چھوٹ گئی۔
اسے کہتے ہیں موئے موئے، بچہ دعا کر رہا تھا پولیس نے بھی خوشی سے ہاتھ اٹھائیں۔
بچے نے کہا ہماری پولس رشوت خور ہیں اللہ ہدایت دے، پولیس کا reaction دیکھیں 😂 pic.twitter.com/fyxcuJqnbl— Faisal Khan (@KaliwalYam) April 29, 2025
ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے۔ ایک صارف نے طنزاً لکھا کہ ’شکر ہے بچہ بچ گیا‘۔
Shukar hai bachy bach gya
— Fatima habib (@faty_345) April 29, 2025
ماریہ بلوچ ویڈیو پر تبصرہ کرتے ہوئے لکھتی ہیں کہ پولیس کو بھی پتہ ہے وہ کتنی رشوت خور ہے۔
😂😂😂 پولیس کو بھی پتہ ہے و کتنی کوئی رشوت خور ہے ۔
— Maria Baloch (@Maria_Baloch427) April 29, 2025
ایک ایکس صارف نے مزاحیہ انداز میں لکھا کہ اس دعا کے بعد پولیس اہلکاروں نے آمین نہیں کہا بلکہ دعا ہی چھوڑ دی۔
آمین نہیں کہا دعا ہی چھوڑ دی
— غیر اسلامی غیر جمہوری پاکستان 🇵🇰 (@Muneeb_Afzaal_) April 29, 2025
ایک صارف کا کہنا تھا کہ شکر ہے سندھ کی پولیس تھی ہنسی مذاق میں بات اڑ گئی، اگر اسلام آباد یا پنجاب کی پولیس ہوتی تو بچہے کا وجود ہی ختم ہوگیا ہوتا۔
شکر ہے سندھ کی پولیس تھی ہنسی مذاق میں بات اڑ گئی اسلام آباد یا پنجاب کی پولیس ہوتی تو بچہ کا وجود ہی ختم ہوگیا ہوتا
— Shårp Shōōtér 🇵🇰 (@cybersoldier111) April 29, 2025
فرحت نے پولیس اہلکاروں کو مخاطب کرتے ہوئے کہا کہ آمین تو کہہ دیتے بچے نے آپ کی ہدایت کے لیے ہی دعا مانگی تھی۔
آمین تو بول دیتے سر!
ہدایت ہی کی دعا مانگی تھی بچے نے آپ کے لئے۔۔🤪 https://t.co/4OKXBK8Khr— FARHAT (@FarhatI76006829) April 29, 2025
