وزیراعظم شہباز شریف آج 2 روزہ سرکاری دورے پر سعودی عرب روانہ ہوں گے، جہاں وہ سعودی ولی عہد و وزیراعظم شہزادہ محمد بن سلمان سے اہم ملاقات کریں گے۔
یہ بھی پڑھیے پاکستان سعودی عرب کے ساتھ مضبوطی سے کھڑا ہے، شہباز شریف کی محمد بن سلمان کو یقین دہانی
ذرائع کے مطابق وزیراعظم اور سعودی ولی عہد کے درمیان ہونے والی ملاقات میں پاکستان اور سعودی عرب کے درمیان دوطرفہ تعلقات، اقتصادی و سرمایہ کاری تعاون، باہمی دلچسپی کے امور اور خطے کی مجموعی صورتحال پر تفصیلی تبادلہ خیال کیا جائے گا۔
یہ بھی پڑھیے سعودی عرب پر حملوں کی شدید مذمت، وزیراعظم شہباز شریف کا ریاض کے ساتھ مکمل یکجہتی کا اظہار
ملاقات میں دونوں ممالک کے درمیان مختلف شعبوں میں جاری تعاون کا جائزہ بھی لیا جائے گا، جبکہ علاقائی امن و استحکام اور باہمی شراکت داری کو مزید مضبوط بنانے کے امکانات پر بھی گفتگو متوقع ہے۔ وزیراعظم کے دورے کو پاک۔سعودی تعلقات کے فروغ اور اعلیٰ سطح کے رابطوں کے تسلسل کے تناظر میں اہم قرار دیا جا رہا ہے۔
