پاکستان اسٹاک مارکیٹ 100 انڈیکس میں 4 ہزار 200 پوائنٹس کمی ہوئی ہے، انڈیکس ٹریڈنگ بھی بڑی مندی کا شکار رہی۔
یہ بھی پھیں: اسٹاک مارکیٹ میں تنزلی کے دوران ٹریڈنگ کیوں روک دی جاتی ہے، اور ایسا کب کب ہوا؟
پاکستان اسٹاک ایکسچینج میں 100 انڈیکس دوران ٹریڈنگ بدترین مندی سے بیک وقت 4 نفسیاتی حدیں کھو بیٹھا تھا، 100انڈیکس دوران ٹریڈنگ 4 ہزار 2 سو پوائنٹس مائنس ہوکر 1 لاکھ 10 ہزار 600 کی حد تک ٹریڈ ہوا، انڈیکس کی یومیہ بلند سطح 1 لاکھ 14 ہزار اور یومیہ کم ترین سطح 1 لاکھ 10 ہزار 600 پوائنٹس رہی۔
اسٹاک ایکسچیبج میں 457 کمپنیوں میں سے صرف 60 کمپنیوں کے شیئرز میں اضافہ،352کمپنیوں کے شئیرز میں کمی ریکارڈ کی گئی اسٹاک ایکسچینج میں 49 کروڑ مالیت شئیرز کا کاروباری حجم 31 ارب روپے سے زائد رہا۔
یہ بھی پڑھیں: ٹرمپ ٹیرف کے باعث پاکستان اسٹاک مارکیٹ میں شدید مندی، 100 انڈیکس میں 3882 پوائنٹس کی کمی
اسٹاک مارکیٹ ایکسپرٹ شہریار بٹ کا کہنا ہے کہ پاکستان اور بھارت کے مابین جنگی ماحول اسٹاک مارکیٹ پر منفی اثرات مرتب کر رہا ہے، جنگ کی صورتحال بہرحال اثرات تو ڈالے گی، لیکن اس کا تعلق معیشت سے نہیں ہے تمام اعشاریے بہتر ہیں لیکن جب تک کشیدگی رہے گی اسٹاک مارکیٹ میں اتار چڑہاؤ ہوتا رہے گا۔
