وزیراعلیٰ پنجاب مریم نوازشریف کی زیر صدارت خصوصی اجلاس ہوا، اس موقع پر وزیراعلیٰ مریم نوازشریف کو سکول ایجوکیشن کے موجود اور مجوزہ پراجیکٹس کے متعلق تفصیلی بریفنگ دی گئی۔
یہ بھی پڑھیں:وزیراعلیٰ مریم نواز کا آزاد کشمیر اور خیبرپختونخوا کے طلبا کو بھی اسکالرشپس اور لیپ ٹاپس دینے کا اعلان
مریم نواز کو آگاہ کیا گیا کہ پنجاب میں 11 ہزار سے زائد اسکولوں کی آؤٹ سورسنگ مکمل ہوگئی ہے جب کہ پنجاب ایجوکیشن فاؤنڈیشن کے تحت 11لاکھ بچوں کی انرولمنٹ بھی کیا جا چکا ہے۔
وزیراعلیٰ مریم نوازشریف نے 11 لاکھ بچوں کی انرولمنٹ پر شاباش دیتے ہوئے اسکول مینجمنٹ کونسل کو 10 ارب روپے سے 90 دن کے اندر ضروری سہولتوں کی فراہمی یقینی بنانے کی ہدایت کی۔
وزیراعلیٰ مریم نے ایک سال کے اندر تمام سکولوں میں درکار کلاس روم بنانے اور اسکولوں کی 580 بوسیدہ ترین اور 2770 خستہ عمارتوں کی تعمیر و مرمت کی ہدایت بھی کی۔
اجلاس میں سرکاری سکولوں کے پانچ لاکھ بچوں کی انگلش ٹرینرز سے سپوکن انگلش ٹریننگ کا ہدف مقرر کیا گیا، اور سکول میل پروگرام کا دائر کار غذائی قلت کا شکار بچوں کے تناسب سے دیگر اضلاع اور تحصیلوں تک وسیع کرنے کی ہدایت دی گئی۔
یہ بھی پڑھیں:مریم نواز کا بڑا اعلان، پنجاب کے 59 شہروں میں ترقیاتی منصوبے شروع
وزیراعلیٰ مریم نے ہر ضلع میں گرلز اور بوائز کے لیے نوازشریف اسکول آف ایمیننس بنانے کی ہدایت کی، اور 5 سال میں 1750 سکولوں کی اپ گریڈیشن کا ہدف مقرر کیا۔
اگلے مالی سال میں 250 اسکولوں کی اپ گریڈیشن ہوگی، پنجاب کی 10 تحصیلوں میں 300 ٹیک ایڈا سکول بنیں گے۔
اس موقع پر دی گئی بریفنگ میں وزیراعلیٰ کو آگاہ کیا گیا کہ آؤٹ سورس ہونے والے اسکولوں میں 195 کلاس روم، 397کمروں کی چھتوں کے علاوہ ان اسکولوں میں 254538 مربع فٹ چاردیواری تعمیر کی گئی۔
آؤٹ سورس اسکولوں میں 414 ٹوائلٹ اور 1543 واٹر ٹینک تعمیر کیے گئے۔
نوازشریف اسکول آف ایمیننس میں آئی ٹی، سائنس لیب، لائبریری، ملٹی پرپز پلے گراؤنڈ، سمارٹ بورڈ اور دیگر جدید سہولتیں میسر ہوں گی۔
اس موقع پر وزیراعلیٰ مریم نواز کا کہنا تھا کہ بچوں کی تعلیم کے لیے بہت سا کام کرنا چاہتی ہوں۔ ہر اسکول میں ٹوائلٹ سمیت ہر دیگر سہولتیں ناگزیر ہیں۔
انہوں نے کہا کہ اسکولوں میں سولر سسٹم کی تنصیب کے لیے اقدامات کیے جارہے ہیں۔
