یمن سے حوثی باغیوں کے اسرائیل کے بین گوریان ایئر پورٹ پر میزائل حملے کے بعد اسرائیلی فوج کو غزہ میں حماس کی سخت کارروائی کا بھی سامنا ہے، غزہ میں حماس کی کارروائی میں مزید 2 اسرائیلی فوجی ہلاک ہوگئے ہیں۔
اسرائیلی وزیرِ اعظم نیتن یاہو نے تسلیم کیا ہے کہ غزہ میں حماس اور اسرائیلی فوج کے درمیان شدید لڑائی جاری ہے، رفح میں جاری لڑائی میں مزید 2 اسرائیلی فوجی مارے گئے ہیں۔
یہ بھی پڑھیں: اسرائیل کے بین گوریون ایئرپورٹ پر حوثیوں کا میزائل حملہ، 6 زخمی
اتوار کے روز یمن کی حوثی باغیوں نے اسرائیل کی بین گوریان ایئر پورٹ پر میزائل حملہ کیا، حوثیوں کے میزائل حملے سے اسرائیلی ایئرپورٹ پر ہونے والی تباہی نے اسرائیلی وزیرِاعظم نیتن یاہو کے اوساں خطا کردیے اور وہ حواس باختہ ہوگئے۔
نیتن یاہو نے میڈیا سے گفتگو کے دوران اعتراف کیا کہ آج حماس سے شدید لڑائی جاری ہے اور مزید 2 اسرائیلی فوجی لڑائی کے دوران مارے گئے ہیں۔
یہ بھی پڑھیں: روسی صدر ولادیمیر پیوٹن نے حماس کا شکریہ کیوں ادا کیا؟
یاد رہے کہ یمن کی حوثی فوج نے اتوار کے روز اسرائیل کے مرکزی ایئرپورٹ (بن گوریون ائیرپورٹ) پر بیلسٹک میزائل داغا، میزائل گرنے کے نتیجے میں ائیر پورٹ کی ایک سڑک اور گاڑی کو نقصان پہنچا اور فضائی آمدورفت عارضی طور پر معطل کر دی گئی، اس میزائل حملے میں 8 افراد زخمی ہوئے۔
اسرائیلی فوج نے تصدیق کی ہے کہ اتوار کی صبح یمن مین حوثی ملیشیا کے زیر قبضہ علاقہ سے فائر کئےگئے میزائل کو روکنے کی متعدد کوششوں کے باوجود اسرائیلی دفاعی نظام اسے تباہ کرنے میں ناکام رہا۔
