’پرفارمنس زیرو اور غرور 100 فیصد‘، شاہین شاہ آفریدی رویے کی وجہ سے تنقید کی زد میں

پاکستان سپرلیگ (پی ایس ایل) کے گزشتہ روز کھیلے جانے والے اہم میچ میں کراچی کنگز نے لاہور قلندرز کو سنسنی خیز مقابلے کے بعد شکست دے دی۔ شاہین شاہ آفریدی اور حارث رؤف کی خراب بولنگ کی وجہ سے لاہور قلندرز جیتا ہوا میچ ہار گئی۔

میچ کا ٹرننگ پوائنٹ وہ اوور تھا جب عرفان نیازی نے شاہین آفریدی کے ایک اوور میں 3 لگاتار چھکوں کی مدد سے21 رنز بنائے ۔ کراچی کنگز کو آخری 2 اوورز میں جیت کے لیے27رنز کی ضرورت تھی۔ کپتان شاہین کے تین اوور زمیں 41 رنز بنے جبکہ حارث رؤف نے 3 اوورز میں 40 رنز دے کر 2 وکٹیں حاصل کیں۔

شکست کے بعد لاہور قلندرز کے کپتان شاہین شاہ آفریدی کے رویے کو خاصی تنقید کا نشانہ بنایا جا رہا ہے کہ شکست کے بعد بھی ان کے مزاج میں تبدیلی نہیں آئی۔

یہ بھی پڑھیں: نیوزی لینڈ کے خلاف پاکستانی ٹیم کو ایک اور شکست، ’کلب لیول کا بولر بھی شاہین آفریدی سے اچھی بالنگ کرلیتا‘

میزبان نے شاہین آفریدی سے سوال کیا کہ آخری 5 اوورز میں آپ نے بہت زیادہ رنز دے دیے، آپ کو کیا لگتا ہے کہ کہاں غلطی ہوئی اس کے جواب میں ان کا کہنا تھا کہ جو اچھی کرکٹ کھیلتا ہے وہ جیتتا ہے یہ ٹورنامنٹ کا اختتام نہیں ہے ہم ابھی بھی ٹورنامنٹ میں ہیں اور سیمی فائنل میں کراچی کنگز سے دوبارہ ملاقات ہو گی۔

جب شاہین آفریدی سے سوال کیا گیا کہ کیا آپ کو لگتا ہے لاہور قلندرز کی شکست کی ایک وجہ پریشر بھی ہے؟ جس کے جواب میں انہوں نے کہا کہ ’نہیں‘ ایسا نہیں ہے۔

صارفین نے شاہین آفریدی کو آڑے ہاتھوں لیتے ہوئے کہا کہ ان کی پرفارمنس زیرو ہے جبکہ غرور 100 فیصد ہے۔

Attitude 100%
Performance 0%

This is Shaheen the egoistic kid.. come on dude. You’re a grown up man! pic.twitter.com/76kPDgC8zN

— Syed Ali Imran (@syedaliimran) May 4, 2025

عثمان نامی صارف نے شاہین آفریدی کو تنقید کا نشانہ بناتے ہوئے لکھا کہ ان کے زوال کی اصل وجہ یہی ہے کہ یہ بندہ سیکھتا ہی نہیں کیونکہ اس میں غرور حد سے زیادہ ہے۔

this is the reason for his downfall and why he never learns, bro has too much unnecessary attitude. pic.twitter.com/9Nc0KkG2Un

— عثمان (@usmssss) May 4, 2025

ایک ایکس صارف نے لاہور قلندرز کے کپتان کو آڑے ہاتھوں لیتے ہوئے کہا کہ جب کارکردگی صفر ہو اور سلیکشن کی واحد وجہ داماد ہونا ہو، تو ٹیم کا یہی حال ہوتا ہے۔ شاہین آفریدی 4 سال سے فیل ہے، لیکن پھر بھی بار بار موقع دیا جا رہا ہے۔ اس کا ایک اور بیکار اوور، ایک اور میچ ضائع۔ بین الاقوامی سطح پر تو پورا مذاق بن چکا ہے۔ اب انہیں ڈراپ کرنے کا وقت ہے، اور نوجوان باصلاحیت لڑکوں کو موقع دیا جائے۔

When your main qualification is being someone’s son in law, not your performance. Shaheen Afridi hasn’t delivered in four years, yet keeps getting selected & once again, his pathetic 13th over cost Lahore the game, that too in domestic league. Internationally…. It’s a bigger… pic.twitter.com/rN8U6ZUFHL

— Nay (@itsblinderhere) May 5, 2025

ایک صارف کا کہنا تھا کہ شاہین شاہ آفریدی بہت مغرور ہیں۔