اقوام متحدہ نے پاکستان اور بھارت کے درمیان کشیدہ صورت حال پر تشویش کا اظہار کیا ہے۔
سیکریٹری جنرل اقوام متحدہ انتونیو گوتریس نے اپنے بیان میں کہاکہ بھارتی فوجی کارروائیوں پر ہمیں تشویش ہے۔
انہوں نے کہاکہ لائن آف کنٹرول اور عالمی سرحد پر بھارتی آپریشنز باعث تشویش ہیں، دونوں ممالک تحمل سے کام لیں۔
انتونیو گوتریس نے کہاکہ دنیا بھارت اور پاکستان کے درمیان جنگ کی متحمل نہیں ہو سکتی، علاقائی امن کو شدید خطرات لاحق ہیں۔ موجودہ صورتحال خطے کے امن کے لیے سنگین خطرہ ہے۔
واضح رہے کہ بھارت کی جانب سے پاکستان پر میزائل حملہ کیا گیا ہے جس کے جواب میں پاکستان نے بھرپور کارروائی کرتے ہوئے انڈیا کے 5 جہاز مار گرائے ہیں، اور انڈین بریگیڈ ہیڈکوارٹر بھی تباہ کردیا ہے۔
