سوشل میڈیا پر چلنے والی ایک ویڈیو کو بھارتی میڈیا نے کراچی سے منسوب کیا۔ اس ویڈیو میں ٹرک سے بکرے نیچے گرتے دکھائی دے رہے تھے جس کے بارے میں کہا گیا کہ یہ واقعہ کراچی کی سپر ہائی وے پر پیش آیا۔
محض چند گھنٹوں کے دوران بھارتی میڈیا میں پاکستان کا منفی چہرہ اجاگر کرتی یہ دوسری ویڈیو تھی جس نے سوشل میڈیا پر تہلکہ مچایا ہوا تھا لیکن یہ دوسرا الزام بھی غلط ثابت ہوا۔
سوشل میڈیا پر ایک ویڈیو وائرل ہو رہی تھی جس میں ایک ٹرک سے بکرے نیچے سڑک پر گرتے دیکھے جاسکتے ہیں اور ویڈیو کے حوالے سے یہ دعویٰ بھی کیا جارہا تھا کہ یہ کراچی سپر ہائی وے کی ویڈیو ہے۔
FACT CHECK ✅⚠️🚩
A video is getting viral on Twitter, as per 'Whatsapp Group Data Scientists' video is from 'Super Highway, Karachi' (Theft of goats).
After applying some basic common sense, the video turned out to be from 'AHMEDABAD, INDIA'. (Evidence attached 👇) pic.twitter.com/5wTWGEGW95
— ENTEI (@ZEUS_PSF) May 1, 2023
سوشل میڈیا صارفین کی بڑی تعداد نے اس ویڈیو کو بغیر جانچ پڑتال کے شئیر کیا جب کہ حقیقت یہ ہے کہ یہ ویڈیو دراصل بھارتی ریاست گجرات کے شہر احمد آباد کی ہے۔
اگر ویڈیو کو تھوڑا غور سے دیکھا جائے تو پتا چلتا ہے کہ سڑک کنارے لگے بل بورڈز پر ہندی میں ڈرائیوروں کے لیے راستے کی ہدایات درج ہیں۔
