پنجاب بھر میں محکمہ سول ڈیفینس کو پوری طرح فعال کرنے کی غرض سے فرضی مشقوں کا آغاز کردیا گیا ہے، وزیراعلیٰ مریم نواز شریف نے ضلعی انتظامیہ کو شہری دفاع کی ان مشقوں کی مانیٹرنگ کی ہدایت کردی۔
یہ بھی پڑھیں:پاک بھارت کشیدگی: لاہور کی فضائی حدود دوبارہ بند
راولپنڈی، مری، جہلم، چکوال، سرگودھا، نارووال،گوجرانوالہ، حا فظ آباد اور سیالکوٹ میں سول ڈیفنس مشقیں جاری ہیں اسی طرح ساہیوال، پاکپتن، ملتان، خانیوال، مظفرگڑھ، لیہ، وہاڑی، حافظ آباد اور دیگر شہروں میں بھی فرضی مشقیں کی جارہی ہیں۔
ریسکیو 1122 نے بھی مختلف شہروں میں فرضی مشقوں کا آغاز کردیا ہے، وزیر اعلیٰ پنجاب نے کسی بھی ہنگامی صورتحال سے نمٹنے کے لیے سول ڈیفینس اور ریسکیو 1122کو ہمہ وقت مستعد رہنے کی ہدایت کی ہے۔
مزید پڑھیں:پاک بھارت کشیدگی کے پیش نظر پنجاب بھر میں اسپتالوں میں ایمرجنسی نافذ
حکومتی اعلامیے کے مطابق صوبے میں کسی بھی ہنگامی صورتحال میں محکمہ سول ڈیفنس کے ذریعے شہریوں کی مدد اور رہنمائی کی جائے گی۔
