ملک کے بیشتر علاقوں کی طرح اسلام آباد میں تیز ہواؤں اور گرج چمک کے ساتھ بارش کا امکان ہے۔ اس دوران چند مقامات پر موسلا دھار بارش اور ژالہ باری کی بھی توقع ہے۔
محمکہ موسمیات کے مطابق چترال، دیر، سوات، کالام، سیدو شریف، ایبٹ آباد اور مانسہرہ، کوہستان، کرم، وزیرستان، ڈی آئی خان، پشاور، چارسدہ اور مردان میں تیز ہواؤں اور گرج چمک کے ساتھ بارش متوقع ہے، اس دوران چند مقامات پر موسلادھار بارش اور ژالہ باری کا بھی امکان ہے۔
گلگت بلتستان میں مطلع ابر آلود رہنے کے علاوہ چند مقامات پر گرج چمک کے ساتھ بارش کا امکان ہے۔ آزاد کشمیر میں بیشتر مقامات پر گرج چمک کے ساتھ بارش ہوگی۔ اس دوران کشمیر میں چند مقامات پر ژالہ باری کا بھی امکان ہے۔
راولپنڈی، جہلم، اٹک، چکوال، مری، گلیات، میاانوالی، سرگودھا، بھکر، لیہ، ناروال، گجرانوالہ، گجرات، سیالکوٹ، لاہور، ٹوبہ ٹیک سنگھ، منڈی بہاوالدین، فیصل آباد، ساہیوال، بہاولپور، بہاولنگر اور ڈی جی خان میں تیز ہواؤں اور گرج چمک کے ساتھ بارش کا امکان ہے۔ اس دوران چند مقامات پر ژالہ باری کا بھی امکان ہے۔
محکمہ موسمیات کے مطابق بلوچستان کے بیشتر اضلاع میں مطلع جزوی ابر آلود رہے گا۔ جبکہ قلات، خضدار، زیارت اور بارکھان میں تیز ہواؤں اور گرج چمک کے ساتھ بارش کا امکان ہے۔ سندھ کے بیشتر اضلاع میں آج موسم خشک رہے گا۔
محکمہ موسمیات نے خبردار کیا ہے کہ بارشوں سے پہاڑی علاقوں میں لینڈ سلائیڈنگ اور برساتی نالوں میں طغیانی کا خدشہ ہے۔
