مخصوص نشستوں کے فیصلے پر نظر ثانی کیس کے حوالے سے سپریم کورٹ کی جج جسٹس عائشہ ملک نے چیف جسٹس آف پاکستان جسٹس یحییٰ آفریدی کو شکایتی خط لکھ دیا۔
یہ بھی پڑھیں: مخصوص نشستوں کے فیصلے پر نظرثانی کیس، 2 ججز کا اختلافی نوٹ سامنے آگیا
جسٹس عائشہ ملک نے چیف جسٹس کے نام خط میں کہا کہ مخصوص نشستوں کے کیس میں آئی ٹی ڈیپارٹمنٹ ہمارا آرڈر اپلوڈ نہیں کر رہا۔
انہوں نے کہا کہ مخصوص نشستوں کے کیس میں جسٹس عقیل عباسی اور میں نے اختلاف کیا تھا اور گزشتہ روز 3 بجکر 11 منٹ پر اپنا آرڈر جاری کیا لیکن آئی ٹی ڈیپارٹمنٹ نےہمارا آرڈر اپلوذ نہیں کیا۔
مزید پڑھیے: 23ایم این ایز پی ٹی آئی سے فارغ،فہرست خان کے پاس پہنچ گئی: فواد چوہدری
جسٹس عائشہ ملک نے کہا کہ آج دوبارہ پوچھنے پر آئی ٹی ڈیپارٹمنٹ والوں نے بتایا کہ وہ لوگ یہ آرڈر اپلوڈ نہیں کر سکتے۔ انہوں نے مزید کہا کہ ڈیپارٹمنٹ کی جانب سے عدم تعمیل ناقابل برداشت ہے۔
چیف جسٹس کے نام اپنے خط میں جسٹس عائشہ ملک نے ان سے درخواست کی کہ وہ بغیر کسی تاخیر کے آرڈر اپلوڈ کروائیں۔
