بھارت کے مایہ ناز کرکٹر ویراٹ کوہلی نے ٹیسٹ کرکٹ سے ریٹائرمنٹ لینے کا ذہن بنالیا اور اس بارے میں بھارتی کرکٹ بورڈ کو مطلع بھی کردیا۔
یہ بھی پڑھیں: اونیت کور کی تصویر لائیک کرنا کوہلی کے لیے جنجال ثابت، وضاحت جاری کرنی پڑگئی
بھارتی میڈیا کے مطابق بی سی سی آئی کے ایک اعلیٰ عہدیدار نے کوہلی سے اس فیصلے پر نظر ثانی کا کہا ہے لیکن لگتا ہے کہ وہ اپنے اس فیصلے سے پیچھے نہیں ہٹیں گے۔ ایسے میں کوہلی کے انگلینڈ کے دورے پر ٹیم کا حصہ بننے کے امکانات اب بہت کم ہیں۔
اس حوالے سے حتمی صورتحال تب سامنے آئے گی جب سیلکشن کمیٹی جب انگلینڈ کے لیے ٹیم کا اعلان کرے گی۔
یاد رہے کہ کوہلی سے پہلے روہت شرما نے 7 مئی کو ٹیسٹ کرکٹ سے ریٹائرمنٹ کا اعلان کیا تھا- 7 مئی کو انہوں نے ایک انسٹاگرام اسٹوری شیئر کی اور ریڈ بال کرکٹ کو الوداع کہہ دیا جبکہ وہ ایک روزہ انٹرنیشنل کرکٹ میں کھیلنا جاری رکھیں گے۔
مزید پڑھیے: ویرات کوہلی اور انوشکا شرما لندن کیوں منتقل ہونا چاہتے ہیں؟
36 سالہ کوہلی اگر اپنے اس فیصلے پر عمل کرتے ہیں تو اس سے ان کے ٹیسٹ کرکٹ میں 14 سالہ شاندار کیریئر کا اختتام ہوجائے گا۔
