عیدالاضحیٰ کے قریب آتے ہی نادرن بائی پاس کراچی پر قربانی کے لاکھوں جانوروں کے لیے منڈی سج گئی، اس بار منڈی میں سیکیورٹی انتظامات کو یقینی بنانے کے ساتھ ساتھ فوڈ اسٹریٹ جیسے اہم مسائل کو حل کرنے کی کوشش بھی کی گئی ہے۔
پاکستان بھر سے آنے والے بیوپاریوں نے اپنے اپنے اسٹالز لگا لیے اور اب خریداروں کا انتظار ہے۔
بیوپاریوں نے اس بار منڈی میں مہیا کی گئی سہولیات کو گزشتہ برس سے بہتر قرار دیتے ہوئے سراہا ہے۔
جانوروں کی قیمتوں سے متعلق بیوپاریوں کا کہنا ہے کہ ہر سال کی طرح اس بار بھی قیمتیں بڑھیں گی لیکن اب تک قیمتوں کا تعین نہیں کیا گیا کیوں کہ باقاعدہ خریداری تاحال شروع نہیں ہوئی۔
ایک بیوپاری نے اس بار کم سے کم قیمت ڈھائی سے 3 لاکھ تک بتائی ہے۔
