معروف فلم اسٹار میرا کی ایک ویڈیو سوشل میڈیا پر وائرل ہو رہی ہے جس میں انہیں بیرون ملک میں کار چلاتے دیکھا جا سکتا ہے۔
وائرل ویڈیو میں میرا کار چلا رہی ہیں اور بیک گراؤنڈ میں انگریزی گانا چل رہا ہے، اداکارہ ویڈیو میں بہت بیمار لگ رہی تھیں۔ ان کی حالت پر مداح تشویش کا اظہار کر رہے تھے۔ جبکہ کئی صارفین ان کا مذاق اڑاتے نظر آئے۔
اس ویڈیو کے بعد صارفین میں بحث چھڑ گئی ہے کہ آیا میرا کسی ذہنی دباؤ کا شکار ہیں یا پھر وہ نشے کی حالت میں ہیں۔ تنقید کے بعد میرا نے ویڈیو کو اپنے انسٹاگرام اکاؤنٹ سے ڈیلیٹ کردیا۔ تاہم ان کی ویڈیو دوسرے سوشل میڈیا پیجز کی جانب سے شیئر کی گئی جہاں صارفین نے انہیں آڑے ہاتھوں لیا۔
View this post on Instagram
ایک صارف نے میرا کی انگریزی پر تبصرہ کرتے ہوئے طنزاً لکھا کہ ’میرا جی آپ کو انگریزی گانے کی کچھ سمجھ بھی آ رہی ہے‘۔ جبکہ ایک صارف نے کہا کہ ’میرا جی پاگل لگ رہی ہیں‘۔
کئی صارفین کا کہنا تھا کہ میرا کی حالت کچھ ٹھیک نہیں لگ رہی تو کسی نے کہا یہ نشے کی حالت میں ہیں۔ ایک صارف نے سوال کیا کہ اتنی نیند میں ڈرائیونگ کون کرتا ہے۔ جبکہ کئی صارفین نے ان کے چہرے کو تنقید کا نشانہ بنایا اور کہا کہ اس سے بہتر تھا وہ ویڈیو اپلوڈ ہی نہ کرتیں۔
واضح رہے کہ اس سے پہلے بھی میرا مختلف تنازعات جیسے کہ جعلی شادی کے دعوے اور نجی ویڈیوز لیک ہونے کی وجہ سے خبروں میں رہی ہیں۔ ساتھ ہی ان کو کمزور اور غلط انگریزی بولنے پر تنقید اور مذاق کا نشانہ بنایا جاتا رہا ہے۔
