پاک بھارت کشیدگی کے دوران نواز شریف کی خاموشی کو مجرمانہ قرار دینے والے سینیٹر فیصل واوڈا کو عظمیٰ بخاری نے ذہنی مریض قرار دے دیا۔
پنجاب کی وزیر اطلاعات عظمیٰ زاہد بخاری نے سوشل میڈیا پلیٹ فارم ایکس پر سینیٹر فیصل واوڈا کا کلیپ شیئر کیا ہے، جس میں انہیں نوازشریف پر تنقید کرتے سنا جا سکتا ہے۔
بیچارہ ایک ذہنی مریض ہے یہ سب نا کرئے تو اسکو لوگ بلانا چھوڑ دیں ،نا کوئی سیاسی جدوجہد،سیاسی شعبدہ باز،سستا شاہ رخ جو بنتا ہو اس پہ ترس کھانا چاہئیے
بندہ اسکو پوچھے کوئی سیاسی جماعت تو تمہاری ہے نا،بھائی تو ہے کون؟؟ https://t.co/9tTUJP04CK— Azma Zahid Bokhari (@AzmaBokhariPMLN) May 20, 2025
عظمیٰ بخاری نے چند سیکنڈز کے اس کلیپ کے ساتھ فیصل واوڈا کو آڑے ہاتھوں لیتے ہوئے لکھا ہے کہ ’ بیچارہ ایک ذہنی مریض ہے یہ سب نہ کرئے تو اس کو لوگ بلانا چھوڑ دیں‘۔
عظمیٰ بخاری مزید لکھا ہے کہ ’نہ کوئی سیاسی جدوجہد، سیاسی شعبدہ باز، سستا شاہ رخ جو بنتا ہو اس پہ ترس کھانا چاہیے، بندہ اس کو پوچھے کوئی سیاسی جماعت تو تمہاری ہے نہیں، بھائی تو ہے کون؟‘۔
یاد رہے کہ سینیٹر فیصل واوڈا نے گزشتہ روز ایک نجی ٹیلیویژن پروگرام میں پاک بھارت کشیدگی کے تناظر میں گفتگو کرتے ہوئے کہا تھا کہ ’ میاں صاحب کی طرف سے جو مجرمانہ خاموشی تھی، اور صوبائی ٹک ٹاک گورنمنٹ بھی خاموش تھی، وہ سب کو محسوس ہوئی‘۔
یہ بھی پڑھیں:تحریک انصاف عمران خان کی رہائی نہیں چاہتی، فیصل واوڈا کا دعویٰ
انہوں نے کہا کہ ’یہ خاموشی بہت معنی خیز تھی، اس نے پاکستانیوں کا دل دکھایا ہے‘۔
اسی گفتگو میں ایک موقع پر جنگ کے دوران نوازشریف کی جانب سے اسٹریٹیجی بنائے جانے کے سوال پر فیصل واوڈا نے ن لیگیوں پر تنقید کرتے ہوئے کہا کہ مسئلہ یہ کہ نہ تو یہ پڑھے لکھے ہیں اور نہ ہی ان میں شعور ہے‘۔
